Taylor Swift បង្ហាញភាពស្រស់ស្អាត ដូចព្រះនាង ពេល ចេញមកកម្សាន្ត ជាមួយ គូស្នេហ៍

កម្សាន្ត៖ តារា​ចម្រៀង​ស្រី Taylor Swift បាន​ទាក់ទាញ​ការ​ចាប់​អារម្មណ៍​ ពេលបង្ហាញខ្លួន ជាមួយ​នឹង​រូប​រាង​ដ៏​លេចធ្លោ​របស់​នាង ​អំឡុង​ពេល​ណាត់​ជួប​ ជាមួយ​គូស្នេហ៍ ដែលជាកីឡាករ លោក Travis Kelce។

Taylor Swift និង គូស្នេហ៍ Travis Kelce ត្រូវបានគេឃើញ បរិភោគអាហារនៅ ក្លឹបឯកជនដ៏ប្រណិតមួយកន្លែង ក្នុង Manhattan ទីក្រុងញូវយ៉ក។ យោងតាម ​​Page Six តារាចម្រៀងស្រីវ័យ ៣៥ ឆ្នាំរូបនេះ បានអញ្ជើញប្អូនប្រុសរបស់នាង Austin Swift មកទទួលទានអាហារពេលល្ងាច នៅទីនេះដែរ។

អ្វីដែលគួរឲ្យចាប់អារម្មណ៍នោះគឺ តារា​ចម្រៀង ម្ចាស់បទ «Cruel Summer» រុបនេះ បាន​បង្អួត​សម្រស់​របស់​នាង​ ក្នុង​រ៉ូប​ពណ៌​ផ្កាឈូក និង​ស​ ដោយ Balmain ដែល​មាន​តម្លៃ​ជិត ៣ ៥០០ ដុល្លារ ។ ការរចនានៃរ៉ូបនេះ បានសង្កត់ធ្ងន់ទៅលើដើមទ្រូង បង្ហាញជើងវែង និងភាពស្រស់ស្អាត របស់ Taylor តែម្ដង។

ជាពិសេស នាងថែមទាំងបានបង្ហាញភាពលេចធ្លោមួយកម្រិតទៀត ជាមួយនឹងកាបូបពណ៌ត្នោតខ្ចី និងស្បែកជើងកែង ដែលត្រូវគ្នា។ នាង​បាន​ពាក់​គ្រឿង​អលង្ការ​មាស និង​លាបក្រែម​មាត់​ពណ៌​ក្រហម ដែលមើលទៅកាន់តែមានមន្តស្នេហ៍ ខ្លាំងឡើង៕

ប្រភព៖ Ngoisao.net

សូមទស្សនារូបភាពខាងក្រោម៖