ថៃ៖ សព្វថ្ងៃនេះ នាង Baifern កំពុងតែទទួលការចាប់អារម្មណ៍ និងមានប្រជាប្រិយភាពកាន់តែខ្លាំង នៅពេលដែលនាងបានសម្តែងជាតួឯកស្រីក្នុងរឿងភាគថ្មីមានចំណងជើងថា “Bai Mai Tee Plid Plew” ជាមួយតារាប្រុសរូបសង្ហា DJ Push Puttichai ហើយរូបនាងក៏ទទួលបានពាក្យសរសើរពីអ្នកគាំទ្រផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ទន្ទឹមនឹងភាពល្បីល្បាញ នាង Baifern ក៏ត្រូវបានអ្នកកាសែតសាកសួររឿងទាក់ទឹងនឹងបេះដូង ព្រោះថាខណៈពេលនេះ រូបនាងប្រហែលជាមានបុរសសង្ហាៗតាម សុំស្រលាញ់ច្រើនហើយមើលទៅនោះ។ ក្នុងនោះដែរ នាង Baifern បានឆ្លើយដោយមិនលាក់លៀមថា៖
“សម្រាប់រឿងស្នេហា ខ្ញុំមិនមានទេពេលនេះ ហើយខ្ញុំនៅទំនេរ១០០ភាគរយ។ ហើយខ្ញុំពេលនេះ គឺផ្តោតទៅលើការងារតែមួយប៉ុណ្ណោះ។ ឆ្នាំនេះខ្ញុំអាយុ ២៧ឆ្នាំហើយ ហើយក៏ជិត៣០ឆ្នាំដែរ។ តាមពិតទៅ ខ្ញុំពិតជាចង់បានបុរសល្អម្នាក់ ប៉ុន្តែគ្មានអ្នកណាម្នាក់មករកខ្ញុំសោះ។ ស្នេហារបស់ខ្ញុំដូចជាមកមិនត្រូវពេលវេលានោះទេ។ ខ្ញុំជឿថា បើសិនជាបុរសណាម្នាក់ជាគូរបស់ខ្ញុំពិត គេនឹងមករកខ្ញុំហើយ”។
ទោះជាយ៉ាងណាក្តី ទាំងនេះពិតជាធ្វើឲ្យបុរសជាច្រើនដែលលង់ស្រលាញ់នាង ភ្ញាក់ផ្អើលមិនតិចនោះទេ ព្រោះថាសម្រស់ស្អាតដូចទេពអប្សរ ដូចជា Baifern ដែរ ក៏ប៉ុន្តែបែរជានាងមិនទាន់មានស្នេហា។ ហើយអ្នកគាំទ្រក៏ទន្ទឹងចាំមើលថា ក្រោយពីនាងបើកទម្លាយរឿងបេះដូងទំនេរបែបនេះហើយ ប្រាកដជាមានបុរសមិនតិចនោះទេ នឹងតាមសុំស្រលាញ់នាង៕
តើប្រិយមិត្តយល់យ៉ាងណាដែរ?
Bong I.T