Leonardo និង គូស្នេហ៍ ចេញមកកម្សាន្ត ជាមួយគ្នា យ៉ាងមានក្ដីសុខ

កម្សាន្ត៖ តារាសម្តែង លោក Leonardo DiCaprio បានបង្ហាញពីភាពរីករាយវិស្សមកាល ជាមួយគូស្នេហ៍ ដែលជាតារាម៉ូដែល Vittoria Ceretti នៅ Caribbean កាលពីចុងសប្តាហ៍មុន។

តារាសម្ដែងប្រុស​វ័យ ៥០ ឆ្នាំ​រូប​នេះ​ បាន​បង្ហាញភាពសប្បាយ​រីករាយ នៅក្នុង​ផ្ទៃ​ទឹក​ពណ៌​ខៀវ​ស្រងាត់ ​ជាមួយ​នឹងមិត្ត​ស្រី​អាយុក្មេងជាង ២៤ ឆ្នាំ​របស់​ខ្លួន នៅ​ថ្ងៃ​សុក្រ ទី ២៧ ខែ​ធ្នូ។ ក្នុងនោះដែរ Leonardo បានពាក់វ៉ែនតា ដើម្បីការពារព្រះអាទិត្យពេលហែលទឹក។

បន្ទាប់ពី បានប្រារព្ធពិធីបុណ្យណូអែល ជាមួយក្រុមគ្រួសាររបស់ពួកគេនៅសហរដ្ឋអាមេរិក តារាហូលីវូដ និងតារាម៉ូដែលអ៊ីតាលីរូបនេះ បានធ្វើដំណើរទៅកាន់កោះទេសចរណ៍ដ៏ល្បីល្បាញដើម្បីរីករាយនឹងវិស្សមកាលដ៏រ៉ូមែនទិក ជាលក្ខណៈឯកជន។

គួរបញ្ជាក់ផងដែរថា Leonardo និង Vittoria បានទាក់ទងគ្នាតាំងពីរដូវក្តៅឆ្នាំ ២០២៣ ហើយបានធ្វើដំណើរទៅកន្លែងជាច្រើនជាមួយគ្នា។ រដូវក្តៅនេះ គូស្នេហ៍មួយគូនេះ ក៏បានធ្វើដំណើរកម្សាន្តជាច្រើនថ្ងៃ ទៅកាន់សមុទ្រមេឌីទែរ៉ាណេ៕

ប្រភព៖ Ngoisao.net

សូមទស្សនារូបភាពខាងក្រោម៖