ក្ដៅៗ!! Keylor Navas សុំ Real Madrid ចាកចេញព្រោះមូលហេតុមួយ

អេស្ប៉ាញ៖ អ្នកចាំទី Keylor Navas បានបង្ហាញអារម្មណ៍មិនសប្បាយចិត្តជាមួយនឹងការដាក់ឲ្យគេជាជម្រើសទីពីរនៅ Real Madrid និងបានសុំក្លិបចាកចេញថែមទៀតផង។

អ្នកចាត់ការទូទៅលោករបស់ Real Madrid លោក Zinedine Zidane បានដាក់អ្នកចាំទី Thibaut Courtois ជាជម្រើសទី១ រីឯអ្នកចាំទីកូស្ដារីកា Navas ជាជម្រើសទី២ ប៉ុណ្ណោះសម្រាប់រដូវកាលថ្មីនេះ។

ក្លិប Real Madrid បានដឹងរួចទៅហើយអំពីចេតនានៃការចង់ចាកចេញរបស់ Navas ដោយក្លិបកំពុងតែសម្លឹងមើលអ្នកមកជំនួសរូបគេ ខណៈ Navas អាចនឹងចាកចេញមុនទីផ្សារដោះដូរកីឡាកររដូវក្ដៅលើកនេះបិទ។

ក្រោយចប់រដូវកាលមុន Keylor Navas ស្ទើរតែផ្លាស់ទៅចូលរួមជាមួយក្លិបអ្នកមាននៅបារាំង Paris Saint-Germain ទៅហើយប៉ុន្តែអ្វីៗបានស្ងប់ស្ងាត់ទៅវិញ។ យ៉ាងណាមិញមកទល់នឹងពេលនេះ PSG នៅតែអន្ទងចង់បាន Navas ដើម្បីទៅពាក់អាវលេខ ១ នៅក្លិបរបស់ខ្លួន៕

ប្រភព៖ Marca