ម៉េចទៅជាចឹងវិញ? សុជាតិ ប្រុសសង្ហាក្មេងខ្មែរ ពេលនេះប្រែទៅជា ទុកសក់វែងលាបពណ៌ស្កូវ ដូចតាឥសី!

ភ្នំពេញ៖ នារសៀលថ្ងៃទី៧ ខែមករានេះ ប្រិយមិត្តគាំទ្រជាច្រើនាក់របស់ ក្រុមចម្រៀងប្រុស «ក្មេងខ្មែរ» បាននាំគ្នាប្រារព្ធធ្វើនូវកម្មវិធីSurprise ខួបកំណើត ដល់តារាចម្រៀងប្រុសរូបសង្ហាលោក ជា សុជាតិ។

ដោយឡែក អ្វីដែលគួរឲ្យចាប់អារម្មណ៍នោះ គឺតាមរយៈការ Live វីដេអូផ្សាយផ្ទាល់ពី ពិធីខួបកំណើតរបស់លោកនៅរសៀលនេះ បានធ្វើឲ្យអ្នកគាំទ្រដែលកំពុងតែទស្សនាជាច្រើន មានការភ្ញាក់ផ្អើលយ៉ាងខ្លាំង ចំពោះម៉ូតសក់ថ្មីរបស់លោក សុជាតិ ដោយលោកបានទម្លាក់សក់វែងពណ៌ស យ៉ាងសំពីងសំពោងត្រឹមស្មា ដែលខុសប្លែកដាច់កាលពីចូលសិល្បៈដំបូងតែម្តង។ 

មិនតែប៉ុណ្ណោះ បើយោងតាមការសង្កេតឃើញ គឺលោក សុជាតិ បានចាប់ផ្តើមទុកសក់វែងជាយូរណាស់ដែរមកហើយ ដោយគ្រាន់តែកាលពីមុនមិនសូវជាវែងខ្លាំង ដូចជាបច្ចុប្បន្ននេះតែប៉ុណ្ណោះ។ប៉ុន្តែទោះជាយ៉ាងណា អ្នកគាំទ្រក៏នៅតែស្រលាញ់ពេញចិត្ត និងគាំទ្រចំពោះសិល្បៈចម្រៀងរបស់ក្រុម «ក្មេងខ្មែរ» ផងដែរ៕