លោកព្រះ ស្អាតជាងស្រីទៀត! Yoshi កំពុងពង្វក់ចិត្តប្រុសៗជាមួយពណ៌សក់ថ្មី! (មានវីដេអូ)

ថៃ៖ ប្រិយមិត្តមួយចំនួនធំ ប្រាកដជាធ្លាប់បានស្គាល់នូវ តារាសម្តែងភេទទី៣ ប្រចាំប្រទេសថៃ Yoshi Rinrada ដែលនាងមានសម្រស់ស្រស់ស្អាត រាងស្រលូន សាច់សខ្ចី កាយទន់ភ្លន់ជាង នារីទៅទៀត ដោយនាងត្រូវបានមហាជនចាប់អារម្មណ៍ ចាប់តាំងពីបានចូល ប្រឡូកក្នុងសិល្បៈដំបូងមកម៉្លេះ។

តួយ៉ាង កាលពីថ្មីៗនេះផងដែរ Yoshi ក៏ទើបតែបាន ផ្លាស់ប្តូរពណ៌សក់ថ្មី ដែលទាក់ទាញចិត្ត អ្នកគាំទ្រជាខ្លាំង ជាពិសេសគឺបាន ឆក់យកបេះដូងហ្វេនបុរសៗ ឲ្យលង់ស្នេហ៍តែម្តង។ ជាការពិតណាស់ កន្លងមកភាគច្រើន គេធ្លាប់តែឃើញ Yoshi លាបសក់ពណ៌ស្រគាំៗ តែប៉ុណ្ណោះ ដោយឡែកលើកនេះ នាងបានប្តូរមក លាបពណ៌ឆើត ឆ្កិះពណ៌ផ្កាឈូកវិញ មើលទៅកាន់តែទាក់ទាញ មួយបែបផងដែរ។

គួរឲ្យដឹងថា បើទោះបិជា Yoshi ជានារីកែភេទ ក៏ពិតមែន ប៉ុន្តែរូបសម្រស់ ក៏ដូចជាអត្តចរិករបស់នាង តែងតែទទួលបានការស្រលាញ់គាំទ្រ ពីសំណាក់មហាជន គ្រប់មជ្ឈមណ្ឌល និងពិសេសថែមទាំង មាននារីៗមួយចំនួនធំ លួចច្រណែន និងភាពស្រស់ស្អាតឥតខ្ចោះរបស់ Yoshi ថែមទៀតផង៕