ស្មានតែស្រីស្អាតមកពីណា តាមពិតគឺតារាប្រុសម្នាក់នេះសោះ ដែលតែងខ្លួនធ្វើជាស្រីឡើងមើលមិនចង់ស្គាល់

ថៃ៖ នៅលើគណនី Instagram មួយ ដែលមានឈ្មោះថា winmetawiy បានបង្ហោះរូបភាពចំនួនបីសន្លឹក សុទ្ធសឹងតែជារូបថតមនុស្សស្រី សក់វែង ស្លៀករ៉ូបពណ៌ស យ៉ាងស្រស់សោភា។ បើសិនជាអ្នកគាំទ្រមិនទាន់បានអានចំណងជើង នៅខាងក្រោមរូបភាពទាំងបីនេះទេ ច្បាស់ជាគិតថា ទាំងនេះគឺជារូបភាពរបស់តារាស្រីវ័យក្មេងចំណូលថ្មីក្នុងសិល្បៈណាម្នាក់ ឬអាចជាតារាបង្ហាញម៉ូតក៏ថាបាន។

តែរឿងហួសចិត្តបំផុតនោះ រូបថតទាំងបីសន្លឹកនេះ គឺមិនមែនជារូបមនុស្សស្រីឡើយ។ ផ្ទុយទៅវិញ វាគឺជារូបភាពរបស់តារាថៃវ័យ២២ឆ្នាំរូបសង្ហា ដែលកំពុងទទួលបានការគាំទ្រយ៉ាងខ្លាំង ទាំងក្នុងប្រទេសថៃ និងបណ្ដាជាច្រើននៅអាស៊ី នោះគឺកំលោះ Bright Vicharawit សោះ។ ស្នាដៃសិល្បៈរបស់ Bright ដែលកំពុងទទួលបានការគាំទ្រខ្លាំងក្នុងពេលបច្ចុប្បន្ន គឹរឿង 2gethertheseries ដែលលោកត្រូវសម្ដែងជាតួអង្គស្រឡាញ់ប្រុសដូចគ្នា ជាមួយនឹងតារាប្រុស Win Metawin។

Bright Vicharawit កំពុងក្លាយជាសំណព្វចិត្តរបស់អ្នកគាំទ្រជាច្រើន ជាពិសេសលើរូបសម្បត្តិដ៏ស្រស់សង្ហារបស់លោក ដល់ពេលបានឃើញតែងជាស្រីបែបនេះទៀត បានដឹងថា លោកធ្វើជាប្រុសក៏សង្ហា ធ្វើជាស្រីក៏រឹតតែស្អាត៕

សូមទស្សនារូបភាពខាងក្រោម៖