សុខៗ Jimmy Lin ទម្លាយរូបកាលពីនៅកម្លោះ១៩ឆ្នាំ មុខមាត់មិនប្រែសោះ

តៃវ៉ាន់៖ កាលពី ពីរថ្ងៃមុននេះ តារាចម្រៀង និងសម្តែងសាច់ចាំ Jimmy Lin បានបង្ហោះរូបភាពដ៏កម្រកាលពី២៤ឆ្នាំមុន ជាមួយនឹង តារាសម្តែងផ្សេងៗទៀតកាលពីឆ្នាំ ១៩៩៤ ដែលកាលពីពេលនោះ រូបលោក មានអាយុត្រឹមតែ១៩ឆ្នាំ តែប៉ុណ្ណោះ។

ក្នុងនោះដែរ តារាប្រុសរូបនេះ បានបង្ហោះរូបភាពនេះ នៅក្នុងគណនីបណ្តាញសង្គមហ្វេសប៊ុក ជាមួយនឹងចំណងជើងចោទជា សំណួរសួរលេងទៅកាន់អ្នកគាំទ្រថា តើរូបភាពនេះស្ថិតក្នុងភាពយន្តអ្វី? រំពេចនោះ មានអ្នកគាំទ្ររូបលោកជាច្រើន បានបញ្ចេញមតិភ្លាម​ ដោយម្នាក់ទាយត្រូវតែម្តង ដែលភាពយន្តនោះមានចំណងជើងថា «Grandpa's Love»។

ក្រោយមកឃើញថា មានមហាជនជាច្រើន បានបញ្ចេញមតិទៅលើរូបភាពមួយសន្លឹកនោះថា ទោះបីជាពេលវេលាកន្លងហួសច្រើនឆ្នាំក្តី ប៉ុន្តែគាត់នៅតែរំលឹករឿងចាស់ៗវិញ ធ្វើឲ្យពួកគេ មានសេចក្តីស្រណោះ ពេលវេលានោះយ៉ាងខ្លាំងផងដែរ។

គួររម្លឹកដែរថា ក្នុងពេលបច្ចុប្បន្ននេះ Jimmy Lin មានអាយុ៥៤ឆ្នាំទៅហើយ ដោយបានរៀបការជាមួយ Kelly Chen ក្នុងឆ្នាំ២០១៣ និងទទួលបានចំណងដៃ មានកូនប្រុសបីនាក់ផងដែរ៕

សូមចូលមើលរូបភាពខាងក្រោម៖