អូយចាំងភ្នែក! ឈុតដែល Seo Yeji ស្លៀកចូលរួមកម្មវិធីម្សិលមិញ បញ្ចេញដើមទ្រូងមួយទំហឹង

កូរ៉េខាងត្បូង៖ កាលពីថ្ងៃទី ២២ ខែតុលា ម្សិលមិញនេះ តារាសម្ដែងស្រីដ៏មានប្រជាប្រិយភាព Seo Yeji ទើបតែបានបង្ហាញវត្តមាន ចូលរួមកម្មវិធីប្រគល់ពានរង្វាន់ Buil Film Awards ឆ្នាំ ២០២០ ដែលប្រព្រឹត្តទៅជាផ្លូវការនៅទីក្រុងប៊ូសាន ប្រទេសកូរ៉េខាងត្បូង។ 

ដោយក្នុងកម្មវិធីដដែលនេះដែរ តួឯកស្រីក្នុងរឿង It's Okay to Not be Okay  រូបនេះ ក៏អាចទទួលបានពានរង្វាន់ ជាតារសម្ដែងស្រីដែលមានប្រជាប្រិយភាពខ្លាំងបំផុតផងដែរ។

ដោយឡែក បើងាកមកចាប់អារម្មណ៍ទៅលើ ការតុបតែងខ្លួនរបស់នាង ក្នុងការដើរលើកម្រាលព្រំពណ៌ក្រហម កាលពីម្សិលមិញនេះវិញ យើងឃើញថា Seo YeJi បានទាក់ទាញការចាប់អារម្មណ៍ ពីបណ្ដាអ្នកកាសែត និងមហាជនដែលជាអ្នកគាំទ្រច្រើនមែនទែន ដោយសារតែនាងបានបង្អួតសម្រស់របស់នាង ដោយភាពជឿជាក់ ក្នុងឈុតសម្លៀកបំពាក់ពណ៌ខ្មៅ ចំហរដើមទ្រូងយ៉ាងទ្រលុកទ្រលន់ ដើរបង្ហាញរាង ញញឹមញញែម មើលទៅឡើងស៊ិចស៊ីខ្លាំងតែម្ដង។

ស្របគ្នានេះ តាមរយៈរូបភាពអស់ទាំងនោះ ដែលអ្នកកាសែតប្រម៉ាញ់បាន ហើយបង្ហោះលើបណ្ដាញសង្គម យើងឃើញមានអ្នកនិយមលេងបណ្ដាញអុីនធើណេតជាច្រើន បាននាំគ្នាចែករំលែកបន្ត ជាមួយពាក្យពោលសរសើរល្អៗពីនាង គ្រប់ៗគ្នា៕

ទស្សនារូបភាពខាងក្រោម៖