ពូជ​​សត្វ​ប្លែកៗ ៦ ប្រភេទនេះ​ ​ត្រូវ​​គេ​​​បង្កាត់ចេញ​ពី​​ពូជ​​សត្វ​ផ្សេង​ៗ​​គ្នា​ គួរឲ្យចាប់អារម្មណ៍

ដូចលោកអ្នកធ្លាប់បានដឹងរួចមកហើយថា ពពួកសត្វ និងធម្មជាតិទាំងអស់នៅលើភពផែនដីនេះ តែងតែកកើតឡើង​ទៅ​តាមដំណើរនៃធម្មជាតិរៀងៗខ្លួន ហើយក៏មានសត្វ និងរុក្ខជាតិមួយចំនួនទៀត ដែលត្រូវបានគេមកកែឆ្នៃ ដើម្បីបានជាប្រយោជន៍ណាមួយ ទៅតាមតំរូវការរបស់ពួកគេ។
ថ្ងៃនេះ យើងនឹងលើកយកពពួកសត្វទាំង​ ៦ប្រភេទ ដែលត្រូវបានបង្កាត់ពូជប្លែកៗពីគ្នា ហើយ និងគួរអោយ​ស្រលាញ់​ទៀតផង។

1. សត្វ Zebroid

ប្រភេទសត្វ ​Zebroid មួយនេះ បានកើតចេញពីការបង្កាត់ពូជរវាង សត្វសេះបង្កង់ សត្វសេះ និងលា។ ដូចនេះហើយ ទើបវាមានរូបរាងស្អាតប្លែក ដែលមិនធ្លាប់បានឃើញពីមុនមក ដោយវាមានជើងដូចទៅនឹងសត្វសេះបង្កង់ និងក្រអូម​មាត់មានលាយពណ៌ស។

2. សត្វ Liger

ប្រភេទសត្វ Liger នេះ​ ត្រូវបានកើតចេញពីការបង្កាត់ពូជរវាង សត្វតោ និងសត្វខ្លា ហើយពួកវាមានមាឌធំណាស់។​ ចំណែកឯសត្វ Liger​ ញីវិញ អាចធំធាត់លើនជាងសត្វ Liger ឈ្មោល ដោយវាអាចមានទម្ងន់រហូតដល់ ៧០០ ផោន ( ប្រមាណ ៣១៨ គីឡូក្រាម )។

3. សត្វ​ខ្លាឃ្មុំ Grolar

សត្វខ្លាឃ្មុំនេះ មានមុខ និងពណ៍សម្បុលប្លែកជាងខ្លាឃ្មុំធម្មតា ដោយវាបានកើតចេញពីការបង្កាត់ពូជរវាង​ ខ្លាឃ្មុំទឹក​កក និងខ្លាឃ្មុំរោមត្នោត។

4. សត្វ Camas

សត្វ Camas មួយប្រភេទនេះ គឺមានរូបរាងស្រដៀងទៅនឹងសត្វអូដ្ឋ ជាពិសេសគឺនៅត្រង់ក ដោយសារតែវា​ត្រូវបានគេបង្កាត់ពូជចេញពីសត្វអូដ្ឋអាស៊ី និងសត្វ Llama ( ដែលគេតែងតែប្រទះឃើញ នៅទ្វីអាមេរិកខាងត្បូង )៕

5. សត្វ​ឆ្មា Savannah

សត្វឆ្មានេះ មានត្រចៀកវែងប្លែក គឺដោយសារតែវាត្រូវបានកើតចេញពីការបង្កាត់ពូជពីសត្វឆ្មាធម្មតា និងសត្វ Serval ( ដែលជាប្រភេទឆ្មាម្យ៉ាង ដែលមានមាឌធំល្មម​ និងមានត្រចៀកធំ ហើយភាគច្រើនត្រូវបានគេប្រទះឃើញ នៅទ្វីប​អាហ្វ្រិក ) ។

6. សត្វ​ត្រី Wholphin

ត្រី Wholphin​ មួយនេះ ត្រូវបានកើតចេញពីការបង្កាត់ពូជ មកពីសត្វត្រីបាឡែន ប្រភេទ Fasle Killer និងត្រី Dolphin ​នៃសមុទ្រអាត្លង់ទិច៕