ទោះបីអាយុច្រើនបន្តិចមែន តែតារាសម្តែងស្រី Shiga Lin នៅតែមានក្ដីស្រមៃចង់ធ្វើរឿងមួយនេះ

ហុងកុង៖ ក្នុងឆ្នាំ ២០២០ នេះអាចជាខួបលើកទី ១០ ឆ្នាំនៃការចាប់ផ្តើមអាជីពរបស់ Shiga Lin ប៉ុន្តែនាងមិនបានបន្ថយល្បឿននៃការអភិវឌ្ឍន៍សមត្ថភាពនោះទេ។ ឥឡូវនេះនៅក្នុងពេលវេលាដំបូងនៃអាយុ ៣០ ឆ្នាំរបស់ខ្លួន Shiga កំពុងតាំងចិត្តដ៏មុតមាំដើម្បីជំនះនូវរាល់ឧបស័គ្គនានាដើម្បីទទួលបានឱកាសបន្ថែមទៀតក្នុងការអភិវឌ្ឍអាជីពរបស់នាង។ Shiga Lin បាននិយាយថា “ យុវវ័យរបស់មនុស្សស្រីគឺមានកំណត់”។

ទោះបីជាមានពាក្យចចាមអារ៉ាមថានឹងកំពុងមានទំនាក់ទំនងស្នេហាជាមួយ Carlos Chan ក៏ដោយក៏ការរៀបអាពាហ៍ពិពាហ៍មិនទាន់បានគិតគូរនៅឡើយទេសម្រាប់ Shiga តែក៏នៅមិនយូរប៉ុន្មានដែរ។ Shiga បាននិយាយបែបនេះថា“ ខ្ញុំមិនយល់ទាស់ក្នុងការរៀបចំពិធីមង្គលការតូចមួយនោះទេ” ។ នាងបានបន្ថែមថា "វាមិនចាំបាច់ធ្វើពិធីធំដុំអ្វីនោះទេប៉ុន្តែគ្រាន់អាចអោយខ្ញុំចងចាំបានហើយ ព្រោះខ្ញុំនឹងមានរឿងរ៉ាវល្អៗដែលត្រូវបង្ហាញដល់កូនៗ និងចៅៗ របស់ខ្ញុំ។"

គួររំលឹកផងដែរថា Shiga បានចាប់ផ្ដើមដំបូងជាតារាចម្រៀង និងបានចូលប្រឡូកក្នុងវិស័យសម្ដែងតែប៉ុន្មានឆ្នាំចុងក្រោយនេះប៉ុណ្ណោះ។ នាងបានចាប់ផ្ដើមសម្តែងនៅក្នុងរឿងភាគដូចជា “Life After Death” និង “Line Walker: Bull Fight” ។  ជាងនេះទៀត Shiga គ្រោងនឹងបន្តការសម្តែងប៉ុន្តែនាងនៅតែមិនបោះបង់អាជីពជាអ្នកចម្រៀងឡើយ។ Shiga បាននិយាយទៀតថា “ វាមានសារៈសំខាន់ណាស់ដែលត្រូវមានទេពកោសល្យក្នុងឧស្សាហកម្មនេះ” ។ ខ្ញុំនឹងមិនបោះបង់ការច្រៀងឡើយ។ ការច្រៀងគឺនៅតែជាជម្រើសទីមួយរបស់ខ្ញុំជានិច្ចប៉ុន្តែខ្ញុំក៏រីករាយផងដែរក្នុងការសម្ដែង” ។

ដោយសារតែជំងឺរាតត្បាតឆ្លងរាលដាលយ៉ាងខ្លាំង Shiga មិនអាចបញ្ចេញបទចម្រៀងដែលបានគ្រោងទុកពីររបស់នាងសម្រាប់ខួប ១០ ឆ្នាំនៃការចាប់ផ្ដើមដំបូងរបស់នាងទេនៅឆ្នាំនេះ។ នាងបាននិយាយបន្តថា“ ដំបូងឡើយយើងបានពន្យារពេលការចេញបទចម្រៀងទាំងពីរនេះ​ពីព្រោះខ្ញុំធ្លាក់ខ្លួនឈឺក្រោយពេលជំងឺរាតត្បាតនេះបានកើតឡើង” ។ យើងកំពុងរង់ចាំពេលវេលាដ៏សាកសមដើម្បីចេញបទចម្រៀង” ។

តារាវ័យ ៣២ ឆ្នាំរូបនេះបានទាក់ទាញការចាប់អារម្មណ៍យ៉ាងខ្លាំងនៅលើបណ្តាញសង្គមបន្ទាប់ពីការបង្ហាញខ្លួនរបស់នាងនៅក្នុងរឿង Line Walker: Bull Fight  កាលពីដើមឆ្នាំដែលនាងបានដើរតួជាប៉ូលីសសម្ងាត់ដែលមានស្នេហាដំបូងជាមួយ Tin Tong Gor (Benjamin Yuen ) ។ អ្នកទាំង ២ បានចែករំលែកឈុតថើបគ្នាដ៏ជក់ចិត្តដែលមានរយៈពេល ២ នាទី។

Shiga បានរំលឹកថា “ វាពិតជារឿងដែលឆ្គាំឆ្គងនិងគួរឱ្យអាម៉ាស់ណាស់” ។ “ Ben និងខ្ញុំដំបូងមិនជិតស្និទ្ធទេទោះបីយើងជាអ្នកស្គាល់គ្នាក៏ដោយ។ ឈុតថើបគឺជាឈុតដំបូងរបស់ខ្ញុំសម្រាប់ការសម្តែងហើយវាជាឈុតថើបដ៏វែង។ ជាការពិតវាពិបាកណាស់៕”

សូមទស្សនារូបភាពខាងក្រោម៖ 

ប្រភព៖ Jayne Stars