មានរឿងអ្វីទើបសុខៗតារាចម្រៀង Original Song ថេណា ប្រកាសសម្រាកពីសិល្បៈ? (មានវីដេអូ)

ភ្នំពេញ៖ មហាជនគ្រប់ទិសទី ពិសេសមិត្តៗយុវវ័យប្រាកដជាបានស្គាល់តារាចម្រៀងប្រុស Original Song ដែលជាម្ចាស់បទចម្រៀងល្បីៗគឺលោក ថេណា ដែលជាអ្នកចម្រៀងមានសម្លេងផ្អែមស្រទន់ ថែមទាំងជាអ្នកនិពន្ធបទភ្លេងមួយរូបផងដែរ។

តួយ៉ាង ប៉ុន្មានថ្ងៃមុននេះ ថេណា បានប្រកាសចេញបទចម្រៀងថ្មីរបស់ខ្លួនមួយដែលមានចំណងជើងថា «ខ្យល់ត្រជាក់» ដែលជាបទចម្រៀងច្រៀងរៀបរាប់ពីអារម្មណ៍នឹកសង្សារចាស់ ហើយក៏ជាបទចម្រៀងមួយដែលមានអត្ថន័យចាក់ដោតអារម្មណ៍ហ្វេនៗផងដែរ។

ប៉ុន្តែអ្វីដែលធ្វើឲ្យមហាជន ក៏ដូចជាមិត្តអ្នកគាំទ្រស្រងាកចិត្ត និងមានអារម្មណ៍សោកស្តាយនោះគឺនៅក្នុងវីដេអូខ្លីមួយលោកបានប្រកាសដោយនិយាយថាសម្រាប់បទ «ខ្យល់ត្រជាក់» នេះប្រហែលជាបទចម្រៀងចុងក្រោយសម្រាប់លោក បន្ទាប់ពីចេញបទនេះហើយលោកនឹងផ្អាកធ្វើចម្រៀង ហើយក៏មិនដឹងពេលណាទើបត្រឡប់មកវិញ ឬក៏មិនត្រឡប់ក៏មិនទាន់ដឹងដែរ តែទោះជាយ៉ាងណាក៏អរគុណដល់អ្នកទាំងអស់ដែលបានគាំទ្រ ប្រសិនបើមានឱកាសនឹងជួបគ្នាម្តងទៀត។

យ៉ាងណាមិញ បន្ទាប់ពីឃើញវីដេអូនោះរួចមក ហ្វេនជាច្រើនដែលស្រលាញ់ និងគាំទ្រលោក ថេណា ងឿយឆ្ងល់ខ្លាំងមែនទែន តើមូលហេតុអ្វីសុខៗលោកប្រកាសផ្អាកពីសិល្បៈ? ហើយក៏មានអ្នកគាំទ្រមួយចំនួនទៀត សង្ឃឹមថាលោក ថេណា នឹងវិលត្រឡប់មកវិញក្នុងពេលឆាប់ៗ ដើម្បីច្រៀងកំដរអារម្មណ៍អ្នកគាំទ្រដែលកំពុងទន្ទឹងរង់ចាំ៕

ចង់ជ្រាបច្បាស់ សូមទស្សនារូបភាព និងវីដេអូខាងក្រោមនេះ ៖