ភ្នំពេញ៖ មានដំណឹងដ៏សោកសៅមួយ ក្នុងវិស័យចម្រៀងរ៉េបស្រុកខ្មែរ ត្រូវបានឲ្យដឹងថា លោក RuthKo ត្រូវបានស្គាល់ជាតារា Rap ដ៏ល្បីម្នាក់ ជួបគ្រោះថ្នាក់ស្លាប់ ខណៈពេលជិះម៉ូតូធំ បុកជាមួយរថយន្ត ដែលបេីកបត់ឆ្លងបញ្ច្រាស ចូលបុរីមួយកន្លែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍នេះស្ថិតនៅផ្លូវ៦០ម៉ែត្រ មុខបុរីប៉េងហួត សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ នៅវេលាម៉ោង០១:៤០នាទីយប់រំលងអាធ្រាត ឈានចូលថ្ងៃទី៦ ខែមករា ឆ្នាំ២០២៤នេះ។
តួយ៉ាងការបាត់បង់រូបលោក បានធ្វើសំណាក់មហាជន ក៏ដូចជាហ្វេនៗ មានការស្តាយស្រណោះ ព្រោះតារាសិល្បៈរូបនេះ បានសាងស្នាដៃរាប់មិនអស់ ក្នុងការផលិតបទចម្រៀងរ៉េប ក៏ដូចជាត្រួសត្រាយ តែងតែពាំនាំក្មេងតារារ៉េបធនធានដ៏ល្អជំនាន់ក្រោយ ក៏ដូចជាតារាដ៏គម្រូនៅក្នុងសង្គមជាតិ ក៏ដូចជាគ្រួសារផងដែរ៕
Bong I.T