តារាសម្តែងស្រី Tong Liya បានប្រកាសលែងលះគ្នាជាមួយស្វាមី ក្រោយរៀបការជិត ១០ ឆ្នាំ

ចិន៖ ទោះបីជាថ្ងៃទី ២០ ខែឧសភាមានអត្ថន័យដើម្បីអបអរសាទរទិវានៃក្តីស្រឡាញ់របស់ប្រជាជនចិនក៏ដោយក៏តារាសម្តែងស្រី Tong Liya  និងស្វាមីរបស់នាងគឺលោក Chen Sicheng​ ដែលជាតារាសម្តែងនិងជាចាងហ្វាងផងនោះបានប្រកាសចែកផ្លូវគ្នានៅលើបណ្តាញសង្គម។ អ្នកទាំងពីរបានដាក់ពាក្យលែងលះរួចហើយកាលពីឆ្នាំមុន។ ដំណឹងនៃការលែងលះរបស់ពួកគេភ្លាមៗបានក្លាយជាព័ត៌មានក្ដៅគគុកសម្រាប់អ្នកគាំទ្រក្នុងការការស្វែងរកនៅលើបណ្ដាញសង្គម Weibo ។

ការប្រកាសលែងលះគ្នាទី ១ ដោយលោក Chen Sicheng​ បានសរសេរថា “រឿងរ៉ាវចាប់ពីឆ្នាំ ២០១១-២០២០ កំពុងតែឈានដល់ទីបញ្ចប់ហើយ។ អ្នកនឹងក្លាយជាមនុស្សដែលខ្ញុំស្រឡាញ់ជាងគេបំផុត ប៉ុន្តែឥលូវនេះខ្ញុំនឹងការពារអ្នកក្នុងនាមជាឋានៈផ្សេងមួយទៀតប៉ុណ្ណោះ” ។ ចំពោះ Tong Liya  វិញ នាងបានសរសេរថា “វាពិតជាមានតម្លៃណាស់ ហើយអនាគតនៅមិនទាន់ដឹងនៅឡើយទេ។ អរគុណ Chen Chenheng ” ។

ដោយត្រូវបានគេស្គាល់ថាជាតារាកំពូលសម្រស់មួយក្នុងចំណោមតារាកំពូលសម្រស់ទាំង ៤ របស់ខេត្តស៊ីនជាំង Tong Liya បានជួបជាមួយលោក Chen Chenheng ក្នុងអំឡុងពេលថតរឿង “Beijing Love Story” ។ ពួកគេបានប្រកាសពីទំនាក់ទំនងរបស់ពួកគេជាផ្លូវការនៅក្នុងឆ្នាំ ២០១២ នៅក្នុងកម្មវិធី Happy Camp  ហើយបន្ទាប់មកបានរៀបចំពិធីមង្គលការរបស់ពួកគេនៅឯ Tahiti នៅខែមករាឆ្នាំ ២០១៤ និងនៅពីរឆ្នាំបន្ទាប់ពីរៀបការពួកគេបានផ្តល់កំណើតឱ្យកូនប្រុសរបស់ពួកគេឈ្មោះ Chen Duoduo ផងដែរ។

ប៉ុន្មានឆ្នាំមកនេះលោក Chen Chenheng ត្រូវបានគេរាយការណ៍ថាជាព្រាននារីលំដាប់កំពូលម្នាក់។ នៅឆ្នាំ ២០១៤ គាត់ត្រូវបានគេឃើញទៅលេងផ្ទះរបស់ស្ត្រីម្នាក់អស់រយៈពេល ២ ម៉ោង។ ជាងនេះទៀតនៅឆ្នាំ ២០១៧ លោក Chen Chenheng បានចំណាយពេលមួយយប់នៅសណ្ឋាគារជាមួយនារី ២ នាក់។ ទោះបីជាគាត់បដិសេធចំពោះការលួចមានស្រី ក៏រូបភាពរបស់គាត់ត្រូវបានចែកចាយរួចហើយ ហើយគាត់ត្រូវបានវាយប្រហារដោយមតិរិះគន់អវិជ្ជមានផងដែរ។

ចាប់ពីរឿងទាងនោះកើតឡើងមក Tong Liya ឈប់ពាក់ចិញ្ចៀនរៀបការរបស់នាងដែលមនុស្សជាច្រើនស្មានថានាងបាត់បង់ជំនឿលើស្វាមី។ ទោះបីជាអ្នកទាំងពីរនឹងបន្តសហការគ្នាលើសិទ្ធិផលិតខ្សែភាពយន្តរឿង “Detective Chinatown ”  ក៏ដោយក៏មនុស្សជាច្រើនយល់ថាវានឹងជាបញ្ហានៅមុនពេលលែងលះគ្នាជាផ្លូវការ។

នៅពេលព័ត៌មានលេចលឺនៃការបែកបាក់របស់ពួកគេ មានមនុស្សជាច្រើនបានអបអរសាទរភ្លាមៗចំពោះTong Liya សម្រាប់ការបញ្ចប់ចំណងអាពាហ៍ពិពាហ៍ដែលនាងមិនត្រូវបានគេគោរពនិងចាញ់បោកគេជាច្រើនលើកច្រើនសារ។ ពួកគេសង្ឃឹមថានឹងមានអនាគតល្អប្រសើរជាងមុនសម្រាប់តារាសម្តែងស្រីរូនេះបន្ទាប់ពីលែងលះរួច៕

សូមទស្សនារូបភាពខាងក្រោមបន្ថែម៖​

ប្រភព៖ Jayne Stars