ថៃ៖ Noonrami ជាតារាសម្ដែងស្រីដ៏មានទេពកោសល្យ ម្នាក់ហើយនាងក៏ជាភរិយារបស់លោក Louis Scoott ដែលជាតារាសម្ដែងប្រុសដ៏ល្បីម្នាក់នៅក្នុងជួរសិល្បៈថៃផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅក្នុងរយៈពេលកន្លងទៅថ្មីៗនេះ Noonrami ត្រូវបានគេអញ្ជើញឱ្យចូលរួមនៅក្នុងកម្មវិធីសម្ភាសមួយដ៏ល្បីនៅក្នុងប្រទេសថៃ ដោយឱ្យរូបនាងចែករំលែងពីបទពិសោធការងារ និង រៀបរាប់ពីជីវិតស្នេហារផ្សេងៗរវាងនាងនិងស្វាមីគឺលោក Louis Scoott មុនពេលដែលបានរួមរស់នៅជាមួយគ្នាមានក្ដីសុខរហូតដល់ថ្ងៃនេះ ។
នៅក្នុងនោះ Noonrami រៀបរាប់ទាំងទឹកភ្នែកដោយសេចក្ដីឈឺចាប់ថាៈ
" កាលពីដំបូងខ្ញុំ និង Louis Scoott បានទាក់ទងគ្នា តែមានពាក្យរិះគន់ខ្ញុំ ជាច្រើន ថាយើងមិនសាកសមនឹងគេទេ យើងមិនមែនជាតារាល្បី មិនស្រស់ស្អាត ឡូយឆាយ មិនដូចគេទេ តើគិតថាគេយកយើងមែនទេ? រឿងមួយនេះវាស្ថិតនៅក្នុងខួរក្បាលជានិច្ចរហូតធ្វើឱ្យខ្ញុំឈឺចាប់គេងយំម្នាក់ឯង ហើយក៏មិនដែលមានជំនឿថាពួកយើងនឹងបានរស់នៅជាមួយគ្នានោះទេ តែ Louis Scoott ពីមួយថ្ងៃទៅមួយតែងតែធ្វើឱ្យស្នេហាមួយនេះទៅមុខជានិច្ច ។ នៅក្នុងរយៈពេល៦ខែពួកយើងខានជួបមុខគ្នា បានតែនិយាយទូរស័ព្ទតែប៉ុណ្ណោះ។ កាលនោះក៏មានសារពត៌មានមួយគេបានចោទសួរទៅកាន់ Louis Scoott ថាពេលនេះកំពុងទាក់ទងជាមួយ Noonrami មែនទេ គេក៏តបថាមែន នេះអ្វីដែលខ្ញុំស្ទើរមិនជឿនោះទេ តែគាត់បានឆ្លើយជាការពិត រហូតមកទៀតពួកយើងក៏បានរៀបការជាមួយគ្នា៕"
ប្រភព៖ Khaosod
Bong I.T