ម៉ូតសក់ថ្មីរបស់ Han So Hee កាន់តែធ្វើឲ្យសម្រស់នាង ស្អាតឆ្វាចលើសដើម

កូរ៉េខាងត្បូង៖ តារាសម្ដែងស្រី Han So Hee នៅតែឈរជើងយ៉ាងរឹងមាំនៅលើវិថីសិល្បៈកូរ៉េខាងត្បូង បើទោះបីជាមានរឿងអាស្រូវទាក់ទងនឹងអតីតមិត្តប្រុស និងថ្មីៗនេះ ម្ដាយរបស់នាងត្រូវចាប់ខ្លួនទាក់ទងនឹងរឿងបើកបនល្បែងខុសច្បាប់។

បន្ទាប់ពីប្រកាសថានាងពុំបានពាក់ព័ន្ធនឹងបញ្ហាម្ដាយនាង Han So Hee ក៏នៅតែបន្តចេញមុខតាមកម្មវិធីនិងទទួលការងារនានាហើយកាលពីថ្ងៃទី៥ខែកញ្ញាកន្លងទៅ តារាស្រីម្នាក់នេះបានបង្ហាញខ្លួននៅព្រលានយន្តហោះជាមួយនឹងម៉ូតសក់ថ្មី។

ក្នុងនោះនាងបានធ្វើសក់រួញបែបទឹករលកផ្នត់តូច ទម្លាក់រំសាយពេញស្មា ដែលពិតជាមើលទៅស្រស់ស្អាតនិងស័ក្តិសមនឹងផ្ទៃមុខក៏ដូចជាស្បែកសខ្ចីរបស់នាងខ្លាំងណាស់ រហូតអ្នកគាំទ្រសរសើរថាសក់ពណ៌សូកូឡានេះគឺពិតជាសមនឹងនាងខ្លាំងណាស់៕  

ប្រភព៖ allkpop