ផាត់មុខកាចៗហើយ លេងមួយឈុតនេះទៀត Lisa រឹតតែទា»-ក់ទាញខ្លាំង

អាមេរិក៖ កាលពីថ្ងៃទី១២ខែកញ្ញាកន្លងទៅនេះ ប៉ុស្តិ៍ទូរទស្សន៍MTV បានរៀបចំកម្មវិធីប្រគល់ពានរង្វាន់ "Video Music Awards" ឬហៅកាត់ថា VMAs ឆ្នាំ ២០២៤​ដែលមានការចូលរួមពីសំណាក់តារាចម្រៀងល្បីៗជាច្រើនទាំងបែបលោកខាងលិច និងបែបកូរ៉េដូចជា Taylor Swift, Katy Perry, Shawn Mendes, Camilla Cabello, Sabrina Carpenter, LE SERRAFFIM និង Lisa ជាដើម។

បើនិយាយពី Lisa ដែលជាសមាជិកក្រុមចម្រៀងនារី BLACKPINK វិញគឺនាងបានបង្ហាញខ្លួនដើរលើកម្រាលព្រំកម្មវិធីក្នុងរ៉ូបពណ៌សស្អាតដូចព្រះនាង និងបានឡើងសម្ដែងនៅលើឆាកដោយឈុតពណ៌ក្រហមផងដែរ។ នាងក៏បានឈ្នះពាន បទចម្រៀងKPOP ដ៏ល្អបំផុតប្រចាំឆ្នាំទៀតផង។

យ៉ាងណាមិញក្រោយកម្មវិធីប្រគល់ពានបានចប់សព្វគ្រប់ទៅ ក៏មានរៀបចំពិធីជប់លៀងក្រោយចប់កម្មវិធីឬ VMAs after party ដែល Lisa បានផ្លាស់ឈុតថ្មីមួយទៀត ដែលឈុតនេះពណ៌ខ្មៅបែបមើលធ្លុះដល់ខាងក្នុង បែបសំណាញ់ៗយ៉ាងស្រស់ស្អាតសម្រុងពាក់កណ្ដាលភ្លៅ និងស្បែកជើងកែងបែបឆ្អឹងត្រី ហើយនាងក៏បានតុបតែងមុខក្រាស់ៗផាត់ភ្នែកបែប Smoky Eyes យ៉ាងស៊ិចស៊ី មើលទៅពិតជាឆើតឆាយនិងទាក់ទាញយ៉ាងខ្លាំង៕  

ប្រភព៖ koreaboo