ចម្លែកណាស់! កូនសេះបង្កង់ដ៏កម្រត្រូវបានគេប្រទះឃើញក្នុងតំបន់មួយរបស់ប្រទេសកេនយ៉ា (មានវីដេអូ)

កេនយ៉ា៖ នៅថ្ងៃអាទិត្យទី ១៥ ខែកញ្ញា មគ្គុទេ្ទស​ក្នុងសួនសត្វមួយបាន​ប្រទះឃើញសត្វសេះបង្កង់​ដ៏ចម្លែកមួយប្រភេទ - ​ក្នុងតំបន់ម៉ាសៃម៉ារ៉ាប្រទេសកេនយ៉ា។ មគ្គុទេសក៍បានដាក់ឈ្មោះសត្វនេះ​ថា ថៃរ៉ា។

 កូនសេះបង្កង់មួយនេះវាប្លែក​ពីសេះបង្កង់ធម្មតា ដោយសារតែវាគ្មានរោមនៅចុងកន្ទុយ​ ​វាមានរោមពណ៌ត្នោតហើយវាក៍មិន​មានឆ្នូតដែរ។

​មានទ្រឹស្តីជាច្រើនបានលើកឡើងថា ​ហេតុអ្វីបានជាសេះបង្កង់មានឆ្នូត តែមាន​ទ្រឹស្តីមួយដែលបានមកពីការស្រាវជ្រាវដោយសាកលវិទ្យាល័យកាលីហ្វ័រញ៉ាបានបង្ហាញថា ឆ្នូតជួយគ្រប់គ្រងសីតុណ្ហភាពរបស់សេះបង្កង់។ ហើយ “ ចំនួនឆ្នូតនិងការធ្វើបម្លាស់ទីរបស់សេះបង្កង់ អាចព្យាករណ៍បានល្អបំផុតដោយសីតុណ្ហភាពនៃបរិដ្ឋានដែលវារស់នៅ” ។

ប្រទេសកេនយ៉ាត្រូវបានគេស្គាល់ថា គឺជាប្រទេសមានចំនួនហ្វូងសត្វព្រៃច្រើន ដែលគេអាចឃើញសត្វចំនួន២លានក្បាលបានធ្វើការបម្លាស់ទីពីឧទ្យានជាតិ Serengeti ទៅកាន់ឧទ្យាន Masai Mara ជាធម្មតានៅចន្លោះខែកក្កដានិងសីហា៕