ការវាយប្រហាររយៈពេលមួយម៉ោងនៃគ្រាប់មីស៊ីល របស់រុស្សីទៅកាន់អ៊ុយក្រែនដែលសូម្បី ប្រធានាធិបតី "Donald Trump" ក៏ចង់បញ្ឈប់សង្រ្គាមមួយនេះដែរ

World New៖ នៅថ្ងៃទី 24 ខែមេសា ឆ្នាំ 2025 ទីក្រុង Kyiv ដែលជារដ្ឋធានីនៃអ៊ុយក្រែន បានជួបប្រទះការវាយប្រហារដ៏សាហាវបំផុតរបស់រុស្ស៊ីចាប់តាំងពីខែកក្កដា ឆ្នាំ 2024 ដោយរុស្ស៊ីបានបាញ់មីស៊ីលចំនួន 66 គ្រាប់ និងយន្តហោះគ្មានមនុស្សបើកចំនួន 145 នៅទូទាំងសង្កាត់ចំនួនប្រាំ។ យ៉ាងហោចណាស់ជនស៊ីវិល 12 នាក់ត្រូវបានស្លាប់ និងប្រហែល 90 នាក់រងរបួស ជាមួយនឹងការខូចខាតយ៉ាងធ្ងន់ធ្ងរដល់អគារលំនៅដ្ឋាន។

ការវាយប្រហារនេះបានទាញយកការថ្កោលទោសដ៏កម្រពីប្រធានាធិបតីអាមេរិក Donald Trump ដែលបានជំរុញឱ្យប្រធានាធិបតីរុស្ស៊ី លោក វ្លាឌីមៀ ពូទីន Vladimir Putin បញ្ឈប់ការវាយប្រហារ និងបន្តកិច្ចរចរចាសន្តិភាព។ លោក Trump សង្កត់ធ្ងន់ថា៖ "ភាគីទាំងពីរទាំង រុស្ស៊ី និងអ៊ុយក្រែន កំពុងស្ថិតនៅក្រោមសម្ពាធ ដើម្បីបញ្ចប់កិច្ចព្រមព្រៀងសន្តិភាព ដោយកត់សម្គាល់ពីវឌ្ឍនភាពមួយចំនួន និងសម្បទានដ៏សំខាន់ពី Kremlin រដ្ឋាភិបាលរុស្ស៊ី ។ 

ប្រធានាធិបតីអ៊ុយក្រែន លោក វូឡូឌីមៀ សេលេនស្គី Volodymyr Zelenskyy បានផ្អាកការធ្វើដំណើររបស់ខ្លួនទៅអាហ្វ្រិកខាងត្បូង ដើម្បីត្រឡប់មកប្រទេសវិញ ក្នុងស្ថានភាពដែលប្រជាជនកំពុងរងរបួស បាត់បង់ជីវិត និងការបំផ្លិចបំផ្លាញជាច្រើន ។

ថ្នាក់ដឹកនាំអ៊ុយក្រែនសង្កត់ធ្ងន់ថា សន្តិភាពអាស្រ័យលើចេតនាពិតប្រាកដរបស់ទីក្រុងម៉ូស្គូ​ Moscow ខណៈដែលការឈ្លានពានរបស់រុស្ស៊ីបន្តបំផ្លាញកិច្ចខិតខំប្រឹងប្រែង ក្នុងការព្រមព្រៀងសន្តិភាព។

មេដឹកនាំអឺរ៉ុបបានបង្ហាញការ​ រិះគន់ភាពទ្វេដងរបស់រុស្ស៊ីនៅក្នុងកិច្ចចរចាសន្តិភាព។ ប្រធានាធិបតីបារាំង Emmanuel Macron បានចោទប្រកាន់លោក Putin (ប្រធានាធិបតីរុស្ស៊ី) ថាមិនមានភាពស្មោះត្រង់អំពីការចង់បានសន្តិភាព។ ប្រធានាធិបតីអាហ្វ្រិកខាងត្បូង Cyril Ramaphosa បានកោតសរសើរលោក Zelenskyy (ប្រធានាធិបតីអ៊ុយក្រែន) ចំពោះការយល់ព្រមចំពោះក្របខ័ណ្ឌបញ្ឈប់សង្រ្គាម ខណៈដែលមេដឹកនាំចក្រភពអង់គ្លេស ​ធ្វើការទាមទារឱ្យរុស្ស៊ីបញ្ឈប់ការបាញ់ ដោយគ្មានលក្ខខណ្ឌ។

ចាប់តាំងពីការឈ្លានពានពេញលេញរបស់រុស្ស៊ីក្នុងខែកុម្ភៈ ឆ្នាំ 2022 ជនស៊ីវិលអ៊ុយក្រែនប្រមាណ 13,000 នាក់បានស្លាប់។ ការវាយប្រហារថ្មីៗនេះបានគំរាមកំហែងដល់ជីវិតមនុស្សនៅទូទាំងទីក្រុង Kyiv ដោយអ្នកស្រុកដែលរងរបួសស្វែងរកទីជម្រក និងវេទនា ជាមួយនឹងការបាត់បង់យ៉ាងធ្ងន់ធ្ងរ។

ឧប្បត្តិហេតុនេះគូសបញ្ជាក់ពី ភាពមិនច្បាស់លាស់នៃសង្គ្រាម និងសម្ពាធកាន់តែខ្លាំងពីសហគមន៍អន្តរជាតិទៅលើរុស្ស៊ី ដើម្បីបញ្ឈប់សកម្មភាពប្រយុទ្ធ និងចូលរួមក្នុងកិច្ចចរចាដើម្បីសន្តិភាពពិភពលោក។

ប្រភពពី៖ reuters.com