សង្ហាហើយចិត្តល្អទៀត! Eno ទទួលកំពូលអ្នកប្រដាល់ កែវ រំចង់ ចូលជាអ្នកចម្រៀងក្នុង Eno Team! (មានវីដេអូ)

ភ្នំពេញ៖ បច្ចុប្បន្ននេះ លោក អ៊ីណូ (Eno) មិនត្រឹមតែជាតារាចម្រៀង ប្រចាំផលិតកម្មសាន់ដេ តែមួយមុខនោះទេ ប៉ុន្តែលោកក៏ថែមទាំងជា អ្នកនិពន្ធមួយរូប ក៏ដូចជាមានក្រុមចម្រៀង Original Song ប្រចាំខ្លួនផងដែរ ដែលមានឈ្មោះថា Eno Team Original Song។

ជាក់ស្តែង ថ្មីៗនេះតារាចម្រៀងប្រុសសំឡេងរ៉ករូបនេះ ក៏បានជ្រើសរើសទទួលកំពូលកីឡាករប្រដាល់គុណខ្មែរ ប្រចាំប្រទេសកម្ពុជា គឺលោក កែវ រំចង់ មកចូលក្នុងក្រុមចម្រៀងរបស់លោកផងដែរ និងថែមទាំងចេញបទចម្រៀង Original Song ស្នាដៃនិពន្ធថ្មីឲ្យលោក កែវ រំចង់ មួយបទ ដែលមានចំណងជើងថា «អគុណ» ផងដែរ។

គួរឲ្យដឹងផងដែរថា នេះមិនមែនជាលើកទីមួយនោះទេ ដែលតារាចម្រៀងប្រុសមានសណ្តានចិត្ត អ៊ីណូ ទទួលតារាថ្មីៗចូលក្នុងក្រុមរបស់លោក អាចឲ្យពួកគេបានមានឱកាសចេញបទចម្រៀងរបស់ខ្លួនឯង និងបានឡើង Concert ផងដែរ។ ហើយនេះក៏អាចបញ្ជាក់បានថា លោក អ៊ីណូ គឺជាតារាចម្រៀងប្រុសម្នាក់ ដែលមានទឹកចិត្តល្អ មេត្តាប្រណី ដ៏គួរឲ្យសរសើរមួយរូបផងដែរ៕