រូបភាពថ្មី Shu Qi បង្ហាញភាពស្រស់ស្អាត ហ្វេនៗសរសើរ គ្រប់គ្នា

កម្សាន្ត៖ ថ្មីៗនេះ តាមរយៈ Sina បានរាយការណ៍ថា តារាសម្ដែងស្រី Shu Qi បានចូលរួមក្នុងព្រឹត្តិការណ៍មួយសម្រាប់ម៉ាក ដែលនាងជាអ្នកតំណាងសកល។ តារា​ស្រី​រូប​នេះ​ បាន​បង្ហាញ​ខ្លួន​ជាមួយ​នឹង​សក់​រួញ​បន្តិច ​បង្ហាញ​ពី​ភាពឆើតឆាយ និង​មាន​មន្ត​ស្នេហ៍។

យ៉ាងណាមិញ បើទោះជាទស្សនិកជនបានស្គាល់មុខក៏ដោយ ប៉ុន្តែរាល់ពេលដែល តារាសម្ដែងស្រី Shu Qi បានបង្ហាញខ្លួន តែងតែមានមនុស្សជាច្រើន សរសើរពីសម្រស់របស់តារាស្រីរូបនេះ។

ដោយឡែក ពេលនេះ Shu Qi មានអាយុ ៤៩ ឆ្នាំហើយ ប៉ុន្តែដោយសារតែ របបអាហារ ការគ្រប់គ្រងទម្ងន់ដ៏តឹងរ៉ឹង តារាស្រីរូបនេះនៅតែ រក្សារាងស្លីម គួរឲ្យសរសើរ។ លើសពីនេះ ស្បែករបស់ Shu Qi ត្រូវបានគេចាត់ទុកថា ពោរពេញដោយភាពរស់រវើក និងក្មេងជាងអាយុពិតរបស់នាង ដែលជួយឱ្យរូបភាពរបស់នាង ពោរពេញដោយថាមពលជានិច្ច។

ក្រៅ​ពី​ សម្រស់​ដ៏​ទាក់ទាញ​របស់​នាង អ្វី​ដែល​ធ្វើ​ឱ្យ Shu Qi លេចធ្លោ​នៅ​គ្រប់​កម្មវិធី​នោះ ​គឺ​មន្ត​ស្នេហ៍​ពិសេស​របស់​នាង ខណៈដែលបច្ចុប្បន្ន​ ​តារាស្រីរូបនេះ ​បន្ត​បង្ហាញស្ទីល​ផ្អែម​ល្ហែម ​ស្រស់​ស្អាតឆើតឆាយ ផងដែរ៕

ប្រភព៖ Kenh14

សូមទស្សនារូបភាពខាងក្រោម៖