ដីហុយពេក វិចិត្រកររូបសង្ហា សម្រស់ប្រែដូចតួល្បី មហាទេពស្មើមេឃ «ស៊ុនអ៊ូខុង»

សៀមរាប៖ ប្រិយមិត្តមួយចំនួនប្រាកដជាបានស្គាល់ វិចិត្រកររូបស្រស់សង្ហា ដែលជាអ្នកគូររូបដ៏ល្បីធ្លាប់គូររូបស្ថាបនិក លោកBeat Richer និងខេមរៈ ស្រីពៅ ដែលទទួលបានការសរសើរពីទឹកដៃរបស់លោកគ្រប់គ្នា​ ដោយបានគូរឡើងដូចរូបពិតៗយ៉ាងដូច្នោះ។

ជាក់ស្តែងកាលពីពេលថ្មីៗនេះ​ វិចិត្រកររូបនេះធ្វើឲ្យអ្នកលេងបណ្តាញសង្គមចាប់ផ្តើមនាំគ្នាចាប់អារម្មណ៍គ្រប់គ្នា ជាមួយនឹងការបង្ហាញនូវរូបភាពប៉ុន្មានសន្លឹករបស់លោក ក្រោយជិះតាមផ្លូវហ៊ុយដីប្រលាក់ រីឯសក់ក៏ប្តូរពណ៌អស់។ មិនត្រឹមតែប៉ុណ្ណោះនៅក្នុងនោះក៏មានការស៊ែរតៗគ្នា ព្រោងព្រាតពេញបណ្តាញសង្គមតែម្តង។

ដោយក្នុងនោះគេបានចាប់អារម្មណ៍ថា មុខមាត់របស់លោក ដូចទៅនឹងតួអង្គដ៏ល្បីមហាទេពស្មើមេឃ «ស៊ុនអ៊ូខុង» ខណៈពេលដែលសក់ ក៏ដូចជាពុកមាត់របស់លោកប្រែពណ៌ ក្រោយដីហុយខណៈពេលដែលជិះតាមផ្លូវ នៅលើទឹកដីខេត្តសៀមរាប។

គួររំលឹកផងដែរថា​ វិចិត្រកររូបនេះបានធ្វើការបង្ហាញស្នាដៃគូររូបអ្នកល្បីៗជាច្រើន ដែលទទួលបានការសរសើរ និងចាប់អារម្មណ៍ពេញបណ្តាញសង្គម ព្រោះពិតជាដូចរូបពិតតែម្តង៕

សូមទស្សនារូបភាពខាងក្រោមនេះ៖