មិនខ្វល់សម្ដីអ្នករិះគន់ Taew រាំតាមស្ទីលយាយគ្រវីសក់ ឡើងផ្អើលអស់មារសត្រូវ (មានវីដេអូ)

ថៃ៖ នៅពេលនេះ Taew Natapohn មិនត្រឹមតែត្រូវបានគេស្គាល់ថាជាតារាសម្ដែងដ៏ល្បីមួយរូបនោះទេ ប៉ុន្តែ Taew Natapohn ក៏កំពុងទទួលបានតំណែងជាតារា Tik Tok មួយរូបផងដែរ។ ជារឿយៗ Taew តែងតែបង្ហោះវីដេអូធ្វើត្រាប់សម្លេង និងវីដេអូក្បាច់រាំនៅលើ Tik Tok ក៏ដូចជា Instagram ហើយវីដេអូនីមួយៗសុទ្ធសឹងតែទទួលបានចំនួនអ្នកទស្សនារាប់សែននាក់។

ប៉ុន្តែទន្ទឹមនឹងការគាំទ្រ វីដេអូ Tik Tok មួយចំនួនរបស់ Taew ក៏ទទួលរងការរិះគន់មិនតិចនោះដែរ ដោយសារវីដេអូខ្លះ Taew រាំបែបមិនសូវសមរម្យ ឬស្លៀកពាក់ស៊ិចស៊ីជ្រុល។

ទោះបីជាយ៉ាងណាក៏ដោយ ពាក្យរិះគន់ទាំងនោះមិនបានរាំងស្ទះ ជាឧបសគ្គដល់ការផលិតវីដេអូថ្មីៗរបស់តារា Tik Tok រូបនេះឡើយ។ ក្នុងនោះ នាងនៅតែបន្តថត ហើយបង្ហោះជាប្រចាំដើម្បីជាចំណីចក្ខុដល់អ្នកគាំទ្ររបស់នាង។

អ្វីដែលកាន់តែពិសេសថែមទៀតនោះ វីដេអូចុងក្រោយបំផុតដែល Taew បានថត គឺជាវីដេអូរាំ ដោយធ្វើត្រាប់តាមសម្លេង និងក្បាច់រាំរបស់ Sita Buathorng ដែលគេថាជា យាយគ្រវីសក់ ដោយមិនខ្វល់ពីសម្ដីអ្នករិះគន់កន្លងមកទាល់តែសោះ។ វីដេអូមួយនេះ ទទួលបានការចាប់អារម្មណ៍យ៉ាងខ្លាំង រហូតដល់អ្នកខ្លះលើកឡើងថា Taew ពូកែរាំមិនចាញ់ Sita Buathorng ប៉ុន្មាននោះទេ៕

សូមទស្សនាវីដេអូ និងរូបភាពខាងក្រោម៖