Chompoo ស្រែកយំខ្លាំងៗ ក្រោយឃើញកាដូមិត្តជិតស្និទ្ធជូនក្នុងថ្ងៃខួប (មានវីដេអូ)

ថៃ៖ ជាការពិតណាស់ ថ្ងៃកំណើតរបស់កំពូលតារាស្រី Chompoo Araya គម្រប់ ៣៩ ឆ្នាំ ពិតជាមានការរៀបចំ ប្រកបដោយភាពកក់ក្តៅ ដោយមានពិធីជប់លៀងទទួលទានអាហារពេលល្ងាចជាមួយសមាជិកគ្រួសារ និងមិត្តភក្តិជិតស្និទ្ធផងដែរ។

ដោយឡែក ថ្មីៗនេះ តារាស្រី Ploy Chavaporn ដែលជាមិត្តល្អបំផុតរប​ស់ Chompoo បានបង្ហាញឃ្លីបវីដេអូមួយនៅលើបណ្ដាញសង្គម ដែលនៅក្នុងនោះ Chompoo បានបើកកាដូដែល Ploy បានឲ្យជាកាដូក្នុងថ្ងៃកំណើតផងដែរ។ ប៉ុន្តែ នៅសុខៗ ម្ចាស់ខួបកំណើត បានធ្វើឲ្យហ្វេនៗភ្ញាក់ផ្អើល បន្ទាប់ពីបើកបានតែបន្តិច នាងស្រាប់តែទ្រហ៊ោយំយ៉ាងខ្លាំង ថែមទៀតផង។

ដោយហេតុដែលធ្វើឲ្យនាងយំខ្លាំងថ្នាក់ ព្រោះតែមិត្តដ៏ល្អម្នាក់នេះ បានរៀបចំកាដូយ៉ាងពិសេសសម្រាប់នាង ដែលនៅក្នុងនោះ គឺជាកម្រងរូបភាព កូនភ្លោះទាំងពីររបស់ Chompoo ដែលបានថតកូនប្រុសទាំងពីរនាក់នេះ ដោយខ្លួនឯង​ មិនត្រឹមតែប៉ុណ្ណោះ ថែមទាំងបានរៀបចំដាក់ជាអាល់ប៊ុមរូបថតយ៉ាងប្រណីតយកមកឲ្យនាង ទៀត។

យ៉ាងណាមិញ តាមរយៈវីដេអូមួយ បានបណ្តាលឱ្យអ្នកគាំទ្រជាច្រើន មានភាពពេញចិត្ត ​ព្រមទាំង ចូលមកសរសើរពីមិត្តភាពរបស់អ្នកទាំងពីរ ដែលនៅតែមានទំនាក់ទំនងដ៏ល្អចំពោះគ្នាជានិច្ច ៕  

សូមទស្សនារូបភាព និងវីដេអូខាងក្រោម៖