អតីតស្វាមី សាន់ឆាយ នឹងរៀបចំពិធីរៀបការ​ ក្រោយ អតីតភរិយា ទទួល»»-ម»»-រ»»-ណ»»-ភាព

កម្សាន្ត៖ អ្នកជំនួញ Wang Xiaofei ដែលត្រូវបានគេស្គាល់ថា ជាអតីតស្វាមី របស់តារាសម្តែងស្រី Barbie Hsu នឹងរៀបចំពិធីមង្គលការរបស់ខ្លួន នៅថ្ងៃទី ១៧ ខែឧសភា នៅក្នុងស្រុកកំណើតរបស់លោក នៅទីក្រុងប៉េកាំង។

ប្រភពពីអ្នកសិល្បៈ ដែលស្និទ្ធស្នាលនឹងលោក Wang Xiaofei បានឲ្យដឹងថា អ្នកជំនួញរូបនេះ បានផ្ញើសំបុត្រអាពាហ៍ពិពាហ៍ ជូនមិត្តភ័ក្តិ និងសាច់ញាតិមួយចំនួន។ ពិធី​មង្គលការ​នេះ ​ត្រូវ​បាន​រៀបចំ​ជា​លក្ខណៈ​ឯកជន​ នៅ​សណ្ឋាគារ​មួយ ​ក្នុង​ទីក្រុង​ប៉េកាំង។

Wang Xiaofei និង Mandy ដែលជាភរិយាថ្មី បច្ចុប្បន្នកំពុងមមាញឹកយ៉ាងខ្លាំង ក្នុងការរៀបចំពិធីមង្គលការរបស់ពួកគេ។ ចំណែកឯកូន​ៗទាំងពីរ​នាក់​របស់​លោក ក៏បាន​តាម​ឪពុក​ទៅ​ទីក្រុង​ប៉េកាំង ផងដែរ។

យ៉ាងណាមិញ អាពាហ៍ពិពាហ៍របស់ Wang Xiaofei បានបង្កឱ្យមានភាពចម្រូងចម្រាសជាច្រើន ដោយ អ្នកខ្លះថាគាត់ធ្វើពុត នៅពេល​យំ​រក​អតីត​ប្រពន្ធ ហើយ​ចង់​ស្លា.ប់​ដើម្បី​នាង ប៉ុន្តែ​ឥឡូវ​ រូបលោកបានរៀបការ​ប្រពន្ធ​ថ្មី​ហើយ។ ទន្ទឹមនឹងនោះ មានមតិមួយចំនួននៅលើ Weibo បាននិយាយថា Wang Xiaofei ក៏ត្រូវការស្ថេរភាពជីវិតថ្មី និងមើលថែកូនៗរបស់ខ្លួនផងដែរ ដោយរូបលោក មិនអាចរស់នៅក្នុងអតីតកាលជារៀងរហូតបានទេ ជាពិសេស ចាប់តាំងពី លោកបានលែងលះគ្នាជាច្រើនឆ្នាំ៕

ប្រភព៖ Ngoisao.net

សូមទស្សនារូបភាពខាងក្រោម៖