តួប្រុសកប៉ាល់ទីតានិក Leonardo Dicaprio បាក់សម្រស់ម៉្លេះ ធាត់ដុះក្បាលពោះដូចប៉ាអ៊ំ

បរទេស៖ កាលពីពេលថ្មីៗនេះ ម្ចាស់ពានរង្វាន់អូស្ការ និងជាតួអង្គ Jack នៅក្នុងខ្សែរភាពយន្ត «កប៉ាល់ទីតានិក» ត្រូវបានអ្នកប្រម៉ាញ់រូបថតបាន ខណៈពេលដែលរូបគេ កំពុងតែលេងទឹកសមុទ្រជាមួយសង្សារវ័យក្មេង Camila Morrone នៅឆ្នេរសមុទ្រនៅMalibu។

ដោយឡែក បើក្រឡេកទៅមើលរូបថតប៉ុន្មានសន្លឹកនេះសង្កេតឃើញថា Leonardo DiCaprio ហាក់បីដូចជាឡើងគីឡូជាងមុនគួរសមដែរ ដោយក្បាលពោះរាងធំជាងមុនឆ្ងាយ ខណៈដែលអ្នកប្រម៉ាញ់រូប លួចថតនៅពេលដែលគាត់ ភ្លេចខ្លួន ដោយមិនបានត្រៀមខ្លួនផើតពោះឬ រៀបឬកពារអីបន្តិចសោះឡើយ។

ក្នុងនោះដែរ ក្រោយពីបានឃើញដូច្នេះ រួចមកហ្វេនៗនាំគ្នាបញ្ចេញមតិរៀងខ្លួនៗ ដោយសរសើរតារាប្រុសរូបនេះ នៅតែសង្ហាដដែល ទោះបីជារាងធាត់ជាងមុន ច្រើនបន្តិចមែនក្តី។

គួរបញ្ជាក់ដែរថា Leonardo DiCaprio និង Camila Morroneចាប់ផ្តើមទាក់ទងគ្នាក្នុងឆ្នាំ២០១៧ រហូតមកទល់បច្ចុប្បន្ននេះ៕

សូមចូលមើលរូបភាពខាងក្រោម៖