ចប់ហើយអាយដល! Wallace Huo ត្រូវគេរិះគន់ថា មុខចាស់ជាងមុនឆ្ងាយ

តៃវ៉ាន់៖ ដោយសារតែមិនសូវបានចូលប្រឡូកនៅក្នុងវិស័យសិល្បៈដូចកាលពីមុន រូបភាពស្រស់សង្ហារបស់តារាសម្ដែងប្រុស លោក Wallace Huo ក៏មិនសូវបានបង្ហាញ ជាញឹកញាប់នៅលើបណ្ដាញសង្គម ដែលធ្វើឲ្យអ្នកគាំទ្រជាច្រើន ចង់ឃើញយ៉ាងខ្លាំងពីមុខមាត់នាពេលបច្ចុប្បន្ននេះរបស់លោក ថាមានភាពប្រែប្រួលខ្លាំងប៉ុណ្ណា។

ជាក់ស្ដែង ថ្មីៗនេះ តារាប្រុស លោក Wallace Huo ក៏បានបង្ហាញមុខមាត់ សាជាថ្មីម្ដងទៀតនៅលើបណ្ដាញសង្គម ខណៈពេលទៅជួបជុំគ្នាលេងបាល់បោះ ជាមួយនឹងមិត្តភក្តិជាច្រើន។ នៅក្នុងនោះដែរ បើទោះបីជា លោកនៅតែមានស្នាមញញឹមស្រស់ស្រាយ និងមានរូបរាងកាយរឹងមាំ ប៉ុន្តែនៅលើមុខមាត់ទទេស្អាតរបស់លោក កំពុងតែធ្វើឲ្យមនុស្សជាច្រើនមានការចាប់អារម្មណ៍យ៉ាងខ្លាំង ព្រោះមើលទៅ ពិតជាមានសភាពចាស់ជាងមុនឆ្ងាយ ដែលបង្កជាភាពភ្ញាក់ផ្អើលសម្រាប់ហ្វេនៗរបស់លោក ផងដែរ។ 

យ៉ាងណាមិញ រូបភាពដែលបានបង្ហោះនៅលើបណ្ដាញសង្គមនេះ ក៏មានបណ្ដាហ្វេនៗមួយចំនួនទៀតបានពោលពាក្យសរសើរចំពោះរូបលោក ដោយបានលើកឡើងថា វាមិនជាបញ្ហាអ្វីនោះទេ យ៉ាងណា លោក Walla Huo មានវ័យជាង ៤០ ឆ្នាំ ទៅហើយ បើមានមុខមាត់ចាស់បន្តិចក៏មិនអីដែរ ៕ 

សូមទស្សនារូបភាពខាងក្រោម៖