ជីវិតសេដ្ឋីនី Kylie Jenner ផូរផង់គ្រប់ពេល បង្អួតរថយន្ត Bugatti តម្លៃខ្ទង់លានដុល្លារ

បរទេស៖ ជានិច្ចកាល​ តារាស្រីវ័យ ២៣ ឆ្នាំ Kylie Jenner ធ្វើឱ្យអ្នកគាំទ្រលួចមានកូនចិត្តច្រណែនម្តងហើ់យម្តងទៀត នឹងរបររបស់ប្រើប្រាស់ដែលមានតម្លៃ និងទ្រព្យសម្បត្តិរបស់នាង ជាច្រើនដែលរូបនាងបានបង្ហោះនៅលើបណ្តាញសង្គម Instagram។

ជាក់ស្តែង កាលពីថ្មីនេះ អ្នកម៉ាក់ Single រូបនេះ បានស្លៀកពាក់ស៊ីវិល័យ ​និងមានភាពស៊ិចស៊ីគួរឲ្យទាក់ទាញ ដូចសព្វរាល់ដង ប៉ុន្តែអ្វីដែលពិសេសជាងនេះទៅទៀត រូបនាង បានឈរបង្អួតរាង នៅពីមុខរថយន្តស្ពតម៉ាក់ Bugatti Chiron ដែលគេប៉ាន់ប្រមាណតម្លៃរហូតដល់ខ្ទង់ ៣លានដុល្លារជាង ដែលជារថយន្តដែលមានតម្លៃថ្លៃជាងគេបង្អស់ ក្នុងចំណោមរថយន្តរបស់តារាស្រីរូបនេះ។

តាមប្រភពព័ត៌មានបានឲ្យដឹងថា រូបនាង បានទិញរថយន្តនេះកាលពីចុងឆ្នាំមុន ប៉ុន្តែកម្រមានបង្ហោះរូបថតណាស់។ យ៉ាងណាមិញ Kylie ក៏ធ្លាប់បានចែកចាយវីដេអូ នៅខាងក្នុងរបស់រថយន្តនៅលើ Instagramផងដែរ តែក្រោយមកត្រូវបានលុបចោលវិញ ព្រោះមហាជនបានរិះគន់ ថារូបនាង មានលុយចេះតែចាយ ខ្ជះខ្ជាយរបស់តែអត់បានការទៅវិញ៕ 

សូមទស្សនារូបខាងក្រោម៖