មិនគួរឲ្យជឿ! ក្មេងស្រីសម្ដែងក្នុងរឿង Descendants of the sun ម្នាក់នេះ វិវត្តន៍ខ្លួនស្អាតប្លែក ត្រឹមរយៈពេល ៤ឆ្នាំ

កូរ៉េខាងត្បូង៖ ប្រិយមិត្តដែលជាហ្វេនរឿងភាគកូរ៉េ  រឿង Descendants of the Sun ប្រាកដជានៅចាំបាន ក្មេងស្រីម្នាក់ឈ្មោះ Zyon Barreto ដែលបានសម្ដែងជាតួឈ្មោះ Fatima នៅក្នុងរឿង ពេលនេះនាងកាន់តែធំពេញរូបពេញរាង វិវត្តន៍ខ្លួនកាន់តែស្អាតប្លែក ធ្វើឲ្យអ្នកលេងអុីនធើណេតជាច្រើន ឃើញហើយមានការចាប់អារម្មណ៍គ្រប់គ្នា។

ជាមួយគ្នានេះផងដែរ បើងាកមកនិយាយពីមុខមាត់របស់ Zyon Barreto កាលពីអំឡុងថតរឿង Descendants of the Sun យើងឃើញថា កាលពី ៤ឆ្នាំមុន ក្មេងស្រីរូបនេះមានសម្បុរខ្មៅស្រអាប់ និងមិនទាន់ចេះតែងខ្លួនសមរម្យស្អាតនោះឡើយ។ ប៉ុន្តែពេលនេះវិញ នាងមានអាយុ ១៩ឆ្នាំហើយ រីឯសម្បុរក៏សជាងមុន ការធ្វើខ្លួនក៏កាន់តែលេចធ្លោទាន់សម័យ ស្អាតខ្លាំងស្ទើរមិនគួរឲ្យជឿ ដែលអ្នកណាៗឃើញហើយក៏សរសើរជាហូរហែ។

ពិសេសមកទល់បច្ចុប្បន្ន ស្របពេលដែលខ្លួនកាន់តែពេញរូបពេញរាងស្អាតបែបនេះ Zyon Barreto ក៏កាន់តែល្បី និងលេចមុខក្នុងការងារសិល្បៈកូរ៉េជាច្រើន បើទោះបីជានាងមានសញ្ជាតិជាកូឡំប៊ីក៏ពិតមែន ប៉ុន្តែនាងបានមករស់នៅប្រទេសកូរ៉េតាំងពីតូច ដូច្នេះទើបធ្វើឲ្យប្រជាប្រិយភាពរបស់នាងនៅកូរ៉េ កាន់តែមានអ្នកគាំទ្រច្រើនគួរឲ្យកត់សម្គាល់៕

ទស្សនារូបភាពក្មេងស្រីរូបនេះ ដូចខាង៖