មេដឹកនាំ​ពិភព​លោក​ទាំង​ ១៥រូប​នេះ​ សុទ្ធ​តែ​​ធ្លាប់​​ឆ្លង​កាត់​​បទ​​ពិសោធន៍​​ «ឆ្លង​​ជំងឺ​​កូវីដ​១៩»

បរទេស៖ គិតមកទល់ពេលនេះ ជំងឺកូរ៉ូណា ឬកូវីដ-១៩បានឆ្លងរីករាលដាល និងសម្លាប់មនុស្សចំនួនជិត ២លានអ្នក ក្នុង​ចំណោមអ្នកឆ្លងប្រមាណជា ៧៦លាននាក់ ទូទាំងពិភពលោក ដោយក្នុងនោះក៏មានមេដឹកនាំ​នៃប្រទេស​ជុំវិញ​ពិភព​លោក​ផងដែរ៖

១. នាយករដ្ឋមន្រ្តីអង់គ្លេស លោក Boris Johnson

លោកបានឆ្លងជំងឺនេះកាលថ្ងៃទី២៧ ខែមីនា បន្ទាប់ពីគ្រុនក្តៅលោក ត្រូវបានបញ្ជូនទៅកាន់មន្ទីរពេទ្យ។ ចក្រភព​អង់គ្លេស​មានអ្នកឆ្លងប្រមាណជាជិត២លាននាក់ ខណៈដែលអ្នកស្លាប់មានចំនួន៦៥៥២០នាក់។

២. ព្រះអង្គម្ចាស់ Albert ទី២ នៃប្រទេសម៉ូណាកូ

ទ្រង់បានឆ្លងជំងឺនេះនៅពាក់កណ្ដាលខែមីនា។ ប្រទេសម៉ូណាកូមានអ្នកឆ្លងប្រមាណជា៧២៣នាក់ និងអ្នក​ស្លាប់ ៣​នាក់។

៣. នាយករដ្ឋមន្ត្រីរុស្សី លោក Mikhail Mishustin

លោកបានឆ្លងជំងឺនេះកាលថ្ងៃទី៣០ ខែមេសា។ ប្រទេសរុស្សីមានអ្នកឆ្លងប្រមាណជាជិត៣លាននាក់ ខណៈអ្នក​ស្លាប់ ៤៩៧៤៤នាក់។

៤. នាយករដ្ឋមន្រ្តីអាមេនី លោក Nikol Pashinyan

លោកបានឆ្លងជំងឺនេះកាលពីថ្ងៃទី១ ខែមិថុនា រួមទាំងក្រុមគ្រួសារផងដែរ។ ប្រទេសអាមេនីមានអ្នកឆ្លង​ប្រមាណ​ជា​១៥ម៉ឺននាក់ ឯអ្នកស្លាប់ចំនួន២៦១៦នាក់។

៥.  ប្រធានាធិបតីហុងឌូរ៉ាស លោក Juan Orlando Hernandez

លោកបានឆ្លងជំងឺនេះកាលពីថ្ងៃទី១៦ ខែមិថុនា រួមទាំងប្រពន្ធ និងជំនួយការ២នាក់ទៀត។ ប្រទេសហុងឌូរ៉ាស​មាន​អ្នក​​ឆ្លងប្រមាណជា១១ម៉ឺននាក់ អ្នកស្លាប់ចំនួន៣០២៣នាក់។

៦. ប្រធានាធិបតីប្រេស៊ីល លោក Jair Bolsonaro

លោកបានឆ្លងជំងឺនេះកាលពីថ្ងៃទី៧ ខែកក្ដដា ខណៈដែលលោកបានមើលស្រាលលើជំងឺមួយនេះ។ ប្រទេសប្រេស៊ីល​មានអ្នកឆ្លងប្រមាណជា៧លាននាក់ជាង ឯអ្នកស្លាប់មានចំនួន១៨៦៣៥៦នាក់។

៧. ប្រធានាធិបតីបូលីវី លោកស្រី Jeanine Áñez

លោកស្រីបានឆ្លងជំងឺនេះកាលពីថ្ងៃទី៩ ខែកក្ដដា។ ប្រទេសបូលីវីមានអ្នកឆ្លងប្រមាណជាជាង១៥ម៉ឺននាក់ អ្នកស្លាប់​ចំនួន៩០៣៥នាក់។

៨. ប្រធានាធិបតីបេឡារុស លោក Alexander Lukashenko

លោកបានឆ្លងជំងឺនេះកាលពីថ្ងៃទី២៨ខែកក្ដដា នៅមុនការបោះឆ្នោតប្រធានាធិបតី។ ប្រទេសបេឡារុស​មានអ្នក​ឆ្លង​ប្រមាណជា១៧ម៉ឺននាក់ជាង ខណៈអ្នកស្លាប់មានចំនួន១៣១៦នាក់។

៩. ប្រធានាធិបតីហ្គាតេម៉ាឡា លោក Alejandro Giammattei

លោកបានឆ្លងជំងឺនេះកាលពីថ្ងៃទី១៨ ខែកញ្ញា។ ប្រទេសហ្គាតេម៉ាឡាមានអ្នកឆ្លងប្រមាណជា១៣ម៉ឺននាក់ និងអ្នក​ស្លាប់ ៤៦២៤នាក់។

១០. ប្រធានាធិបតីសហរដ្ឋអាមេរិក លោក Donald Trump 

ប្រធានាធិបតីទី៤៥រូបនេះបានឆ្លងជំងឺកូវីដ-១៩កាលពីថ្ងៃទី២ ខែតុលា។ សហរដ្ឋអាមេរិកមានអ្នកឆ្លង​ប្រមាណ​ជា១៧លាននាក់ ខណៈដែលអ្នកស្លាប់មានចំនួន៣១៧១២០នាក់។

១១. ប្រធានាធិបតីប៉ូឡូញ លោក Andrzej Duda

លោកបានឆ្លងជំងឺនេះកាលពីថ្ងៃទី២៤ ខែតុលា។ ប្រទេសប៉ូឡូញមានអ្នកឆ្លងប្រមាណជា១លាននាក់ អ្នកស្លាប់ចំនួន ២៥២៥៤នាក់។

១២. នាយករដ្ឋមន្ត្រីប៊ុលហ្គារី លោក Boyko Borissov

លោកបានឆ្លងជំងឺនេះកាលពីថ្ងៃទី២៥ ខែតុលា។ ប្រទេសប៊ុលហ្គារីមានអ្នកឆ្លងប្រមាណជា១៩ម៉ឺននាក់ ឯអ្នកស្លាប់​មាន​ចំនួន៦៥៥១នាក់។

១៣. ប្រធានាធិបតីអាល់ហ្សេរី លោក Abdelmadjid Tebboune

លោកបានឆ្លងជំងឺនេះកាលពីថ្ងៃទី៣ ខែវិច្ឆិកា។ ប្រទេសអាល់ហ្សេរីមានអ្នកឆ្លងប្រមាណជា៩ម៉ឺននាក់ អ្នកស្លាប់​ចំនួន២៦៥៩នាក់។

១៤. អតីតប្រធានាធិបតីអេស្វាទីនី លោក Ambrose Dlamini

លោកបានឆ្លងជំងឺនេះកាលពីថ្ងៃទី១៦ ខែវិច្ឆិកា។ ប្រទេសអេស្វាទីនី មានអ្នកឆ្លងប្រមាណជា៧ពាន់នាក់ អ្នកស្លាប់​ចំនួន១៣៧នាក់។

១៥. ប្រធានាធិបតីបារាំង លោក Emmanuel Macron