កម្ពុជា៖ ខ្សែប្រយុទ្ធវ័យក្មេងក្លិបបឹងកេត កីឡាករ សៀង ចន្ធា បានប្រាប់ពីការប្រកួតដែលខ្លួនមិនអាចបំភ្លេចបានកាលពីរដូវកាលមុន គឺ ការលេងតទល់ជាមួយក្រុម ព្រះខ័នរាជស្វាយរៀង ក្នុងជើងទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ចន្ធា ពិតជាទទួលបានជោគជ័យខ្លាំងមែនទែនក្នុងរដូវកាលមុន ជាមួយក្លិបបឹងកេត ដោយបានជួយឲ្យក្រុមឈ្នះពានរង្វាន់លីគកំពូលកម្ពុជាជាលើកទី៤ ក្នុងប្រវត្តិសាស្រ្តក្លឹប និង ចូលរួមជួយក្រុមបង្កើតកំណត់ត្រាមិនចាញ់សោះក្នុងរដូវកាលនេះ។ កីឡាករវ័យ ១៨ ឆ្នាំខាងលើបានរួមចំណែករកគ្រាប់បាល់បានសរុបចំនួន ១៤គ្រាប់នៅក្នុងរដូវកាលនេះនៃពានរង្វាន់ លីគកំពូលកម្ពុជា និង ហ៊ុនសែនខាប់ ហើយ ការប្រកួតដែលរូបគេមិនអាចបំភ្លេចបាន គឺ ការលេងទល់នឹងក្រុម ព្រះខ័នរាជ។
ក្នុងកិច្ចសម្ភាសជាមួយក្លិបបឹងកេត កីឡាករ ចន្ធា បាននិយាយថា៖
ការប្រកួតទល់នឹង ព្រះខ័នរាជ ជាការប្រកួតដែលខ្ញុំមិនអាចបំភ្លេចបាន គឺ ដោយសារពេលនោះយើងកំពុងតែឈរនៅក្នុងចំណាត់ថ្នាក់លេខ២ ហើយ យើងបានទទួលជ័យជម្នះក៏បានឡើងទៅកាន់កំពូលតារាង។ ក្នុងការប្រកួតនេះផងដែរ ខ្ញុំក៏បានរកគ្រាប់បាល់បានដោយប្រើជើងខាងឆ្វេង ព្រោះកន្លងមកខ្ញុំតែងតែស៊ុតបញ្ចូលទីដោយប្រើជើងខាងស្តាំ៕
ប្រភព៖ BKFC
Bong I.T