ត្រួសៗពី​​សៀវភៅ Manga ទាំង​ ៥​ក្បាល ដែល​​លក់​​​ដាច់​​ជាង​​គេ​​​នៅ​ជប៉ុន​ចុង​​ឆ្នាំ​ ២០​២០​​

ជប៉ុន៖ Manga គឺជាសៀវភៅប្លុតមានរូបរបស់ជប៉ុន ដែលកើតមានឡើងយូរមកហើយ។ សៀវភៅ Manga នេះ​ផង​ដែរ​​ ក៏ទទួលបានការគាំទ្រពីសំណាក់កុមារ យុវវ័យ ក៏ដូចជាវ័យចំណាស់ក៏អានដូចគ្នាទូទាំងពិភពលោក។

សូម្បីនៅប្រទេសកម្ពុជាយើងក៏មានប្រិយមិត្តនិយមតាមដានអានជារាងរាល់ថ្ងៃផងដែរ ដែលអាចរកទិញបាន​នៅឯ​ហាងនាផ្សារទំនើប។ កត្តាដែលធ្វើអោយ Manga នេះមានការរីកចម្រើនច្រើនគឺដោយសារ​តែស្នាដៃនិពន្ធ​របស់​កវី​នីមួយៗ ដែលធ្វើអោយមានការទាក់ទាញពីសំណាក់អ្នកអាន ក៏ដូចជាអ្នកផលិតខ្សែភាពយន្ត​ ចីវចល Anime ក៏ដូច​ជា​ភាពយន្តមនុស្សផងដែរ ដែលបានយកសាច់រឿងពីក្នុង Manga នេះមកផលិតជាខ្សែវីដេអូធ្វើអោយសៀវភៅរឿង Manga នេះមានការទាក់ទាញកាន់តែខ្លាំង។

យ៉ាងណាមិញប្រិយមិត្តដែលនិយមទស្សនារឿងចីវចល Anime ឬក៏និយមអាចសៀវភៅប្លុត Manga ប្រាកដជា​ចង់​ជ្រាបហើយថាតើសៀវភៅណាខ្លះដែលឈរនៅក្នុងចំណាត់ថ្នាក់ណា។ ហើយសៀវភៅប្លុតរឿង​ទាំងនោះមាន​ដូចជា៖

1. Demon Slayer : 

ចេញដំបូងថ្ងៃទី ១៥ ខែកុម្ភះឆ្នាំ ២០១៦ -សរសេរនិងគូររូបដោយលោក Koyoharu Gotōge ដែលរឿងដើរ​ដោយ​ Tanjiro ​Kamado ជាក្មេងប្រុសតូចម្នាក់ដែលបានក្លាយជាអ្នកកំចាត់បិសាចបន្ទាប់ពីគ្រួសាររបស់គាត់​ត្រូវបានគេ​សំលាប់​ហើយប្អូនស្រីរបស់គាត់ឈ្មោះ Nezuko បានប្រែក្លាយទៅជាបិសាច ដែលបានផលិតជាខ្សែភាពយន្ត​កំនូស​ចីវចលហើយនាពេលបច្ចុប្បន្ន Anime។ ជាប្រភេទ ផ្សងព្រេង, ក្បាច់គុន, Dark Fantasy, ចេញលក់ បានប្រមាណ 82,345,447 ក្បាល វ៉ាដាច់រឿងច្បងចាស់ៗ គឺរឿង Kingdom និង One Piece ។

2. Kingdom :

ចេញដំបូងថ្ងៃទី ១៩ ខែឧសភាឆ្នាំ ២០០៦ បន្តមកដល់បច្ចុប្បន្ន ដែលសរសេរនិងគូររូបដោយ Yasuhisa Hara ជារឿងដែលនិយាយអំពីសម័យការសង្គ្រាមបង្រួបបង្រួមនគរនៅសម័យការឈីងប្រទេសចិន ដែលដើរដោយ​ក្មេង​ប្រុសទាសករពីរនាក់ ដែលមានបំណងប្រាថ្នាចង់ខ្លាចជាកំពូលមេទ័ព បានផលិតជាខ្សែភាពយន្តកំនូសចីវចល Anime និងមនុស្ស (Live-Action) រួចមកហើយនាពេលបច្ចុប្បន្ន ។ ជាប្រភេទ Action, Drama, សង្គ្រាម  ដែលលក់បានប្រមាណ 8,251,058 ក្បាល។

3. One Piece :

ចេញដំបូងថ្ងៃទី ២២ ខែកក្កដាឆ្នាំ ១៩៩៧ បន្តមកដល់បច្ចុប្បន្ន សរសេរនិងគូររូបដោយ Eiichiro Oda ដែលរឿងដើរ​ដោយក្មេងប្រុសឈ្មោះ Monkey D. Luffy ដែលន្ទាប់ពីញាំ Devil Fruit ធ្វើអោយរាងកាយក្លាយទៅជាកៅស៊ូ ជាមួយនឹង​សមាជិតរបស់គេដែលមានឈ្មោះជាក្រុមថា​ Straw Hat Pirate ស្វែងរកកំណប់ទ្រព្យចុងក្រោយ​របស់​ពិភពលោកដែលត្រូវបានគេហៅថា ''One Piece" ដើម្បីក្លាយទៅជា​ ស្ដេចចោរសមុទ្រ (Pirate King) បានផលិតជា​ខ្សែ​ភាពយន្ត​កំនូសចីវចល Anime មកហើយពីឆ្នាំ១៩៩៩​ មកដល់បច្ចុប្បន្ន​ ក៏មានគម្រោងនឹងចេញជារឿងមនុស្ស​ផងដែរនៅលើ Netflix ដែលចំណាយ ៩-១០ លានដុល្លា ក្នុងមួយភាគៗ។

នៅខែសីហាឆ្នាំ ២០២០ ត្រូវបានគេ​ប្រកាស​ថា Final Arc របស់ One Piece កំពុងខិតជិតមកដល់ហើយ​បន្ទាប់ពីរយៈពេល២២ឆ្នាំជាង។ ជាប្រភេទ ផ្សងព្រេង, Dream ដែលលក់បានប្រមាណ 7,709,667 ក្បាល។

4. Haikyu!! 

 ចេញនៅថ្ងៃទី២០ ខែកុម្ភៈ ឆ្នាំ២០១២ ដោយសរសេរនិងគូររូបដោយ Haruichi Furudate ដែលរឿងដើរតាមក្មេង​ប្រុស​ម្នាក់ឈ្មោះ Shōyō Hinata បានប្តេជ្ញាចិត្តក្លាយជាអ្នកលេងបាល់ទះដ៏អស្ចារ្យ បើទោះបីជាគាត់ទាបជាងគេ​នៅក្នុងក្រុមបានផលិតជាខ្សែភាពយន្តកំនូសចីវចល Anime ។ ជាប្រភេទ កំប្លែង និងកីឡា ដែលលក់បានប្រមាណ 7,212,099 ក្បាល។

5. Jujutsu Kaisen :

ចេញថ្ងៃទី ២៨ ខែមេសាឆ្នាំ ២០១៧ សរសេរនិងគូររូបដោយ Gege Akutami ដែលសាច់រឿងដើរដោយ Yuji Itadori ដែលទទួលបានកម្លាំងអំណាចអមនុស្សអស្ចារ្យ ហើយបានចូលរួមនឹងសាលា Jujutsu Tech ដើម្បីកំចាត់​បីសាចដែលត្រូវបណ្តាសា។ ជាប្រភេទរឿង ផ្សងព្រេង, Dark Fantasy , ប្រឌិត (occult fiction) ដែលលក់បាន​ប្រមាណ 6,702,736 ក្បាល។ នេះបើតាមប្រភពពីបញ្ជីគ្របដណ្តប់លើការលក់ទាំងអស់ដែលបានស្ទង់មតិចាប់ពីថ្ងៃទី ១៨ ខែវិច្ឆិកាឆ្នាំ ២០១៩ ដល់ថ្ងៃទី ២២ ខែវិច្ឆិកាឆ្នាំ ២០២០៕