ហាង 7-Eleven មានឈ្មោះបោះសម្លេងខ្លាំង ដោយសារការនាំមកនូវភាពងាយស្រួល ដល់មនុស្សគ្រប់ទីកន្លែង! (មានវីដេអូ)

ភ្នំពេញ៖ បើនិយាយពីឈ្មោះហាង 7-Eleven លោកអ្នកប្រាកដជាធ្លាប់បានលឺជាក់ជាមិនខាន ព្រោះហាងនេះមានលក់ទំនិញជាច្រើនប្រភេទ មានទាំងអាហារឆ្អិនស្រាប់ និងផ្តល់សេវាកម្ម ២៤ម៉ោង ក្នុងមួយថ្ងៃ។

ជាការពិតណាស់ សម្រាប់អាជីវករដែលលក់ដូរជាប្រចាំថ្ងៃ 7-Eleven មិនត្រឹមតែជាហាងលក់ទំនិញនោះទេ ប៉ុន្តែជាទីតាំងដ៏ល្អ  ដោយពួកគេអាចដាក់លក់ទំនិញរបស់ខ្លួននៅខាងមុខហាង និងមានឱកាសលក់ដាច់ខ្ពស់ ព្រោះជាទីតាំងដែលមានមនុស្សម្នាឆ្លងកាត់ច្រើន ហើយអតិថិជនខ្លះដែលចេញពីហាង 7-Eleven ក៏ជួយទិញទំនិញរបស់ពួកគេផងដែរ។

ក្រៅពីជាទីតាំងដ៏ល្អដែលជួយបង្កើនការលក់ 7-Eleven ក៏មានទំនិញជាច្រើនប្រភេទដែលត្រៀមរួចជាស្រេច នៅពេលដែលអ្នកលក់ត្រូវការវត្ថុធាតុដើម ឬរបស់ចាំបាច់មួយចំនួន។ ទៀតសោត សូម្បីតែពន្លឺអំពូលភ្លើងដែលនៅខាងមុខហាង ក៏បានជួយសម្រួលដល់អាជីវករដូចគ្នា ​ដោយពួកគេអាចលក់ទំនិញចាប់តាំងព្រលឹមស្រាងៗ រហូតដល់យប់តែម្តង និងថែមទាំងមានសុវត្ថិភាពដល់អ្នកដំណើរឆ្លងកាត់។ 

នេះគ្រាន់ជាមួយផ្នែកប៉ុណ្ណោះ ​នៃការផ្សារភ្ជាប់ទំនាក់ទំនងរវាងហាង 7-Eleven ជាមួយនឹងអ្នកលក់។ ការលក់ដូរនៅមុខហាង គឺជាការរស់នៅជាមួយគ្នា និងពឹងផ្អែកគ្នាទៅវិញទៅមក។ ចំណុចដែលមិនអាចបដិសេធបានគឺ ហាង 7-Eleven ជាកន្លែងដែលសហគមន៍ពឹងផ្អែក បង្កើតអាជីព និងបង្កើនចំណូលសម្រាប់ប្រជាជនក្នុងសហគមន៍៕

តោះ! មកមើលវីដេអូទាំងអស់គ្នាថា តើហាង 7-Eleven ជួយដល់សហគមន៍ក្នុងប្រទេសថៃ តាមវិធីណា!