Roxanne Tong បាននិយាយពី Kenneth Ma បែបនេះក្រោយឈ្នះពានរង្វាន់ Yahoo Buzz Awards

ហុងកុង៖ សិល្បកររបស់ទូរទស្សន៍ TVB ជាច្រើននាក់គឺបានក្លាយជាអ្នកឈ្នះពានរង្វាន់ Yahoo Asia Buzz Awards ឆ្នាំ ២០២០ ដែលរួមមានទាំងគូស្នេហ៍ល្បីមួយគូរផងដែរនោះគឺលោក Kenneth Ma និង Roxanne Tong ដែលត្រូវបានគេសើចចំអកសារជាថ្មីម្តងទៀតអំពីគម្រោងរៀបការរបស់ពួកគេ។

គួរឱ្យដឹងដែរថា Roxanne និង Fred Cheng ទទួលបានពានរង្វាន់ជាតារាស្រីនិងប្រុសដែលមានអ្នកស្វែងរកច្រើនបំផុតនៅលើបណ្ដាញអ៊ិនធឺណេតដោយសារតែទំនាក់ទំនងរបស់ពួកគេជាមួយនឹង Kenneth និង Stephanie Ho ។ នៅពេលត្រូវបានសួរថាតើពួកគេមានគម្រោងរក្សាប្រជាប្រិយភាពរបស់ខ្លួននៅសេសសល់នៅឆ្នាំនេះដែរទេ ស្រាប់តែ Fred បាននិយាយថា Roxanne គួរតែរៀបការ។ ហើយក៏មិនគួរឱ្យហួសចិត្តទេដែល Roxanne បាននិយាយកំប្លែងយ៉ាងចាក់ដោតបែបនេះថា Fred គួរតែមានកូនឆាប់ៗហើយកាន់តែប្រសើរប្រសិនបើគាត់មានកូនភ្លោះ! Fred ក៏បានរំភើបបន្តិចបន្តួចដោយសារការលើកឡើងនេះផងដែរ ហើយគាត់បានបង្ហាញអារម្មណ៍ផងដែរថាគាត់ក៏សង្ឃឹមថារឿងនោះកើតឡើងដែរ។

នៅពេលដែល Roxanne ត្រូវបានគេសួរថាតើនាងមានគម្រោងផ្តល់រង្វាន់អ្វីដល់ Kenneth Ma សម្រាប់ពានរង្វាន់តារាសម្តែងប្រុសដែលមានប្រជាប្រិយភាពបំផុតរបស់ទូរទស្សន៍ នាងញញឹមយ៉ាងផ្អែមល្ហែមហើយនិយាយថានាងនឹងអបអរសាទរចំពោះគាត់។ “ នៅក្នុងបេះដូងរបស់ខ្ញុំនិងនៅក្នុងបេះដូងរបស់មនុស្សគ្រប់គ្នាគាត់គឺជាតារាសម្ដែងប្រុសដ៏ជោគជ័យម្នាក់។ ខ្ញុំសង្ឃឹមថាគាត់អាចបន្តដើរលើផ្លូវនេះហើយខ្ញុំនឹងបន្តនាំសំណាងដល់គាត់៕”

សូមទស្សនារូបភាពខាងក្រោម៖

ប្រភព៖ Jayne Stars