កូនខ្មែរប៉ុន្មាននាក់ ស្គាល់ពួកគាត់? ទាំងនេះជាកំពូលតារាឯកប្រុសខ្មែរ៤ដួង នៅចុងទសវត្សទី៦០ និងដើមទសវត្សទី៧០

ភ្នំពេញ៖ ខ្សែភាពយន្តខ្មែរនាចុងទសវត្សទី៦០ និងដើមទសវត្សទី ៧០ ត្រូវបានគេប្រសិទ្ធិនាមថា ជាយុគមាស នៃវិស័យសិល្ប:ខ្សែភាពយន្តខ្មែរ ដែលត្រូវបានមហាជនពេញផ្ទៃប្រទេសនិយមគាំទ្រ និងតាមដាន ហើយសូម្បីតែបរទេសក៏ទទួលស្គាល់នូវគុណភាពខ្សែភាពយន្តខ្មែរ ដែលមានកម្រិតខ្ពស់ខាងផ្នែកបច្ចកទេសផងដែរ។

យ៉ាងណាមិញ តារាប្រុសខ្មែរដែលត្រូវបានប្រសិទ្ធិនាមថាជាគ្រាប់ពេជ្រ ប្រចាំទសវត្សនៃយុគមាសរបស់ខ្សែភាពយន្តខ្មែរ ក៏ត្រូវបានប្រជាពលរដ្ឋខ្មែរ ជាពិសេសគឺចាស់ៗកាលពីសម័យនោះ ចងចាំទុកនៅក្នុងចិត្តមិនភ្លេចសោះឡើយ។តារាឯកប្រុសឆ្នើមទាំង៤រូបនោះរូមមាន៖

១. លោក គង់ សំអឿន: លោកកើតក្នុងឆ្នាំ១៩៤១ នៅស្រុកកណ្តាលស្ទឹង ខេត្តកណ្តាល និងស្លាប់នៅក្នុងរបបវាលពិឃាត១៩៧៥។

២. លោក ជាយុទ្ធថន: លោកកើតនៅក្នុងឆ្នាំ១៩៣០ នៅជ្រោយចង្វារ រាជធានីភ្នំពេញ និងស្លាប់នៅក្នុងរបបវាលពិឃាតនៅស្រុកមោងឬស្សី ខេត្តបាត់ដំបង។

៣.លោក ណុប ណែម កើតក្នុងឆ្នាំ១៩៣៦ នៅភូមិ ស្រែខ្វាវ ឃុំជាងទង ស្រុកត្រាំកក់ ខេត្តតាកែវ លោកបានទទួលមរណភាពនៅក្នុងរបបប្រល័យពូជសាសន៍ប៉ុលពត។

៤/. លោកវណ្ណ វណ្ណ: លោកកើតនៅក្នុងឆ្នាំ១៩៤៦ និងទទួលមរណភាពដោយដៃនៃបនប្រល័យពូជសាសន៍ខ្មែរក្រហម នាឆ្នាំ១៩៧៦ ក្នុងស្រុកស្រែអំបិល ខេត្តកោះកុង។

មរណភាពដ៏ព្រៃផ្សៃនៃការស្លាប់របស់វីរសិល្បករនៃខ្សែភាពយន្តខ្មែរបានបន្សល់ទុក នូវការសោកស្តាយជាខ្លាំងដល់ប្រជាពលរដ្ឋខ្មែរនៅទូទាំងប្រទេសតែម្តង៕