ហ្វេនស្រីៗលង់ស្នេហ៍មិនតិចទេ! ក្រោយឃើញម៉ូតសក់របស់តារាប្រុស K-pop ប៉ុន្មានរូបនេះ

កូរ៉េខាងត្បូង៖ ដូចដែលប្រិយមិត្តបានដឹងមកហើយគឺតារា KPOP គ្រប់វិស័យមិនថាចម្រៀងឬសម្ដែងពួកគេផ្លាស់ប្តូររូបរាងរបស់ពួកគេជាញឹកញាប់សម្រាប់ការសម្តែង និងព្រឹត្តិការណ៍ផ្សេងៗគ្នារបស់ពួកគេ។ ហើយវិធីទូទៅសម្រាប់ពួកគេដើម្បីផ្លាស់ប្តូរសោភ័ណភាពក៏ដូចជាភាពទាក់ទាញរបស់ពួកគេនោះគឺតាមរយៈស្ទីលម៉ូដសក់របស់ពួកគេផងដែរ។

យ៉ាងណាមិញថ្ងៃនេះយើងនឹងនាំអារម្មណ៍ប្រិយមិត្តទាំងអស់គ្នាឱ្យមកមើលសម្រស់របស់តារា KPOP ប្រុសរបស់កូរ៉េដែលធ្វើឱ្យក្រុមហ្វេនៗអ្នកគាំទ្រលង់ស្នេហ៍ដូចខាងក្រោម៖

១. G-Dragon សមាជិកក្រុម BIGBANG

តារាចម្រៀងដែលមានអាជីពជាតារាចម្រៀងជាក្រុម និងទោល​ រូបនេះបានរក្សាស្ទីលម៉ូតសក់ដ៏កម្ររបស់គាត់ដូចរូបខាងលើនេះនៅក្នុងបទ My Heaven ជាចម្រៀងច្រៀងជាក្រុមរបស់គាត់ជាភាសាជប៉ុនដែលបានចេញកាលពីឆ្នាំ២០០៩ នៅលើទំព័រ YouTube Chanel របស់ BIGBANG ផ្ទាល់។ 

២. TOP សមាជិកក្រុម BIGBANG

ជាតារាសម្ដែង និងជាចម្រៀង Rap ប្រចាំក្រុមដែលមានសមាជិកនាមជា King of Kpop នៃក្រុម BIGBANG រូបនេះបានធ្វើស្ទីលសក់ដូចរូបខាងលើនេះនៅក្នុងខ្សែភាពយន្តភាគល្បីរបស់កូរ៉េគឺរឿង IRIS វគ្គទីមួយ ដែលតំណែងរបស់លោកគឺសម្ដែងជាឃាតករដ៏មានជំនាញម្នាក់។

៣. Kris Wu 

ជាតារាសម្ដែង ចម្រៀង និងម៉ូដែល សញ្ជាតិកាណាដាកាត់ចិន ហើយជាអតីតសមាជិកក្រុមតារា Kpop កូរ៉េ EXO រូបនេះគឺត្រូវបានគេកត់សម្គាល់ឃើញលោករក្សាស្ទីលសក់វែងច្រើនបែបច្រើនស្ទាយ៍ដែលជាភាពទាក់ទាញឱ្យប្រិយមិត្តអ្នកគាំទ្រស្រីៗលង់ស្នេហ៍ រូបទាំងមានក្រុមអ្នកគាំទ្រប្រុសៗស្រលាញ់គាំទ្ររូបលោកផងដែរ។

៤. Park Bo Gum

តារាចម្រៀង និងសម្ដែង Park Bo Gum រូបនេះមិនត្រឹមតែល្បីល្បាញនៅតាមរយៈខ្សែភាពយន្តតែមួយមុខនោះទេគឺពោលលោកត្រូវបានអ្នកគាំទ្រចាប់អារម្មណ៍ទៅលើស្ទីលសក់វែងរបស់លោក ព្រោះគឺជាផ្នែកមួយដែលអ្នកគាំទ្រមិនអាចបំភ្លេចបាន ព្រោះថាម៉ូតសក់់របស់លោកមួយនេះបានធ្វើឱ្យសម្រស់របស់លោកស្រស់ស្អាតមិនចាញ់នារីៗសោះឡើយ។

៥. Taemin របស់ SHINEE

សមាជិក SHINEE រូបនេះបានបង្ហាញស្ទីសសក់វែងដូចរូបខាងលើនេះគឺបានធ្វើឱ្យអ្នកគាំទ្រប្លែកភ្នែកមែនទែននៅក្នុងបទ Lucifer ដែលបានចេញប្រហែល ១០ ឆ្នាំមុននៅលើ Channel YouTube របស់គេកាលពីឆ្នាំ២០១០។

៦. Jeonghan សមាជិក SEVENTEEN 

តារាដែលមានសម្រស់ច្រលំមិនចាញ់នឹងស្រីវ័យ ២៥ឆ្នាំ ជាសមាជិកក្រុម SEVENTEEN រូបនេះ បើសិនជារូបលោករក្សាស្ទីសវែងបែបនេះ នៅពេលដែលអ្នកក្រលេកមួយភ្លែត ឬអ្នកមិនដែលស្គាល់រូបលោកពិតជាច្រលំថាលោកគឺជានារីជាមិនខាន។ យ៉ាងណាមិញ ក្រៅពីតារាខាងលើនៅមានតារាចម្រៀងក៏ដូចជាតារាសម្ដែងច្រើនរូបច្រើនទៀតដែលបានរក្សាស្ទីលសក់វែងដ៏គួរឱ្យចាប់អារម្មណ៍ពីសំណាក់ហ្វេនៗអ្នកគាំទ្រផងដែរ៕