ត្រជាក់ភ្នែកណាស់ សម្រស់ទឹកធ្លាក់ធម្មជាតិមួយកន្លែងនៅខេត្តរតនគិរី

កម្សាន្ត៖ រមណីយដ្ឋានទឹកធ្លាក់៧ជាន់ធម្មជាតិស្ថិតនៅក្នុងព្រៃព្រឹក្សារបញ្ចេញសម្រស់ស្រស់ស្អាតត្រជាក់ភ្នែកត្រជាក់ចិត្តដែលជាទីកន្លែងស្ងប់ស្ងាត់សម្រាប់លំហែកម្សាន្តមួយគួរជាទីមនោរម្យ ។ រមណីយដ្ឋានមួយនេះមានឈ្មោះថា ទឹកធ្លាក់៧ជាន់ អូរស៊ិនលេវ ស្ថិតនៅឃុំកាឡែង ស្រុកលំផាត់ ខេត្តរតនគិរី មានចម្ងាយប្រមាណ២៥គីឡូម៉ែត្រពីទីរួមខេត្ត។ នៅទីនោះអ្នកអាចរីករាយជាមួយនឹងការធ្វើដំណើរកម្សាន្តក្នុងព្រៃព្រឹក្សា ដើមឈើធំៗ ភូមិរបស់អ្នកស្រុកជនជាតិភាគតិចខ្មែរដែលរស់នៅអាស្រ័យផលដំណាំធម្មជាតិដ៏សម្បូរបែប។

អូរស៊ិនលេវ ជាកន្លែងទេសចរណ៍ដ៏សែនស្រស់ស្អាត នៅពេលអ្នកទៅដល់ទីនោះប្រៀបបានទៅនឹងបានទៅដល់ភពមួយដែលស្ងប់ស្ងាត់មានតែសម្លេងសត្វស្លាបតូចធំហុំព័ទ្ធជុំវិញដោយធម្មជាតិសុទ្ធសាត ពេលបានទៅទស្សនាហើយពិតជាមិនខកបំណង។ នៅពេលជិតទៅដល់ទីនោះមានផ្សារមួយកន្លែងដែលអ្នកមានភូមិលក់ម្ហូបអាហារ បន្លែផ្លែឈើ សម្រាប់បរិភោគប្រចាំថ្ងៃ។

ប្រភព៖ វណ្ណា រណ្ណៈ

រូបភាពរមណីយដ្ឋានទឹកធ្លាក់៧ជាន់ អូរស៊ិនលេវ៖