ទៅលេងរតនគីរី ធ្លាប់បានទៅកន្លែងមួយនេះនៅ? ទេសភាពពិតជាស្អាតត្រជាក់ភ្នែកណាស់

កម្សាន្ត៖ ជាការពិតណាស់ ខេត្តរតនគីរី ជាខេត្តមួយស្ថិតនៅភូមិភាគឦសាននៃប្រទេសកម្ពុជារបស់យើង ដែលខេត្តមួយនេះក៏សម្បូរទៅដោយធនធានធម្មជាតិ ក៏ដូចជាតំបន់រមណីដ្ឋានស្អាតៗជាច្រើនកន្លែងផងដែរ ពិសេសគឺរមណីដ្ឋានបឹងយក្សឡោមដែលមានរឿងដំណាលកាលពីបុរាណផ្ទាល់តែម្ដង។

ប៉ុន្តែយ៉ាងណាមិញ ខេត្តរតនគីរី មិនមែនមានត្រឹមតែតំបន់កម្សាន្តបឹងយក្សឡោមតែមួយនោះទេ ក្រៅពីនេះក៏មានកន្លែងកម្សាន្តជាច្រើនទៀតផងដែរ។ ក្នុងនោះក៏មានតំបន់រមណីដ្ឋានមួយផ្សេងទៀត ដែលមានសណ្ឋាននិងឈ្មោះស្រដៀងទៅនឹងបឹងយក្សឡោមដែរ នោះគឺ «បឹងយក្សម៉ាយ»។ ហើយបឹងធម្មជាតិដ៏ស្រស់ស្អាតមួយនេះ ពិតជាមានទេសភាពស្អាត ត្រជាក់ភ្នែក ចំណែកឯបរិយាកាសវិញក៏ស្ងប់ស្ងាត់ល្អ ពេលបានទៅដល់ពិតជាស្រស់ស្រាយខ្លាំងមែនទែន។

គួរបញ្ជាក់ថា «បឹងយក្សម៉ាយ» មានទីតាំងស្ថិតនៅក្នុង ភូមិកែងសាន់ ឃុំសេដា ស្រុកលំផាត់ ខេត្តរតនគិរី មានចម្ងាយប្រមាណ ៦០គីឡូម៉ែត្រពីក្រុងបានលុង៕

ទស្សនារូបភាពខាងក្រោម៖

រូបភាពពី៖ Learn More