ថតរូបរាល់ដង ធ្វើដៃពីរមែន? មកមើល ៣ វិធី ថតរូបជាមួយផ្កាបានស្អាត

លំហែ៖ សម័យបច្ចុប្បន្ននេះ ការថតរូបពិតជាសំខាន់ ព្រោះមិនថាទៅលេងដល់កន្លែងណា ទីណានោះទេ មនុស្សភាគច្រើនទាំងប្រុស និងស្រី សុទ្ធតែចូលចិត្តថតរូបផ្ដិតយកជាមួយទេសភាពស្អាតៗ មិនឲ្យខកខានមួយកន្លែងនោះឡើយ។

យ៉ាងណាមិញ ក្នុងការថតរូប មិនមែនឲ្យតែថតឃើញទេសភាពស្អាត ទើបទទួលបានរូបស្អាតនោះទេ។ ពេលខ្លះ ទោះទេសភាពស្អាត តែយើងមិនចេះបញ្ចេញស្ទាយ៍ថតឲ្យសមជាមួយបរិយាសកាស នោះរូបថតចេញមកក៏មិនពេញចិត្តដែរ៕

ដូច្នេះ បើអស់លោកអ្នក បានទៅលេងកន្លែងណាដែលមានសួនផ្កា អាចមកសាកស្ទាយ៍ថតតាមវិធីដូចខាងក្រោមនេះបាន៖

១.ថតពីខាងក្រោយនេះជាវិធីដ៏សាមញ្ញបំផុតសម្រាប់អ្នក ដើម្បីថតរូបទៅ ទទួលបានរូបភាពដែលឃើញទាំងសម្លៀកបំពាក់ និងទេសភាព ដ៏ស្រស់ស្អាតនៃសួនផ្កាផងដែរ។

២.ប្រើ​ផ្កា​បិទ​មុខ ​ឬ​យើងអាចឪនមុខ​ចុះក្រោម

ស្ទាយ៍បែបនេះ​ក៏​សាមញ្ញ​ដែរ មិន​បាច់​ថត​អី​ច្រើន​ មិនបាច់បារម្ភថា ថតទៅឃើញស្នាមលើមុខ ឬមុខមិនស្អាត ប៉ុន្តែ​ថតបែបនេះ នៅ​តែ​ទទួល​បាន​រូប​ល្អ​ស្អាតទាំងមនុស្ស និងទេសភាព។

៣.ថតធ្វើបែបព្រិលៗជាមួយផ្កា

វិធីនេះនឹងជួយឲ្យអ្នកទទួលបានរូបថតពោរពេញដោយសិល្បៈ ទន់ភ្លន់ ធម្មជាតិ ប៉ុន្តែនៅតែទាក់ទាញភ្នែក។

-អ្វីដែលត្រូវពាក់ ដើម្បីថតរូបជាមួយផ្កាបានស្អាត?

សួនផ្កាដែលមានចំណុចពណ៌លឿង ឬពណ៌បៃតងស្រស់ បានបង្កើតរូបភាពពណ៌ដ៏ល្អឥតខ្ចោះមួយ។ ដូច្នេះដើម្បីទទួលបានរូបថតដ៏ល្អបំផុតជាមួយនឹងផ្កា អ្នកគួរតែជ្រើសរើសសម្លៀកបំពាក់សាមញ្ញៗ ឬបែប monochromatic មិនគួរជ្រើសរើសសម្លៀកបំពាក់ដែលមានលំនាំរំខានច្រើនពេកនោះទេ។ សាមញ្ញបំផុតគឺជ្រើសរើសសំពត់មួយពណ៌សសាមញ្ញក៏បាន ឬសំពត់ដែលមានពណ៌ឆើតបន្តិច ដើម្បីបង្កើតភាពទាក់ទាញ និងត្រូវនឹងឈុត។ ឬអ្នកអាចជ្រើសរើសពណ៌ដូចជា ពណ៌ខៀវទឹកសមុទ្រ ឬពណ៌ស្វាយ ពណ៌គរគីក៏បានដែរ។ ក្រៅពីនោះទៀត អ្នកគួរតែជ្រើសរើសសម្ភារៈមកបន្ថែមដូចជា មួក beret មួកពណ៌លឿងធំទូលាយ កន្ត្រកផ្តៅ អាចជាចំណុចលេចធ្លោដើម្បីជួយឲ្យរូបថតរបស់អ្នក ថតជាមួយផ្កាកាន់តែគួរឲ្យចាប់អារម្មណ៍៕

ប្រភព៖ kenh14