អាហារទាំង៤​ មុខនេះឆ្ងាញ់ ប៉ុន្តែវាធ្វើឲ្យ ស្បែករបស់អ្នក ឆាប់ចាស់ មុនអាយុ

សម្រស់៖ ជាធម្មតា អ្នកតែងតែស្វែងរកវិធី និងផលិតផលដែលអាច ថែរក្សាស្បែករបស់អ្នក ឲ្យមានភាពស្រស់ស្អាត និងក្មេងជាងវ័យ ប៉ុន្តែអ្នកបែរជាមិនបានចាប់អារម្មណ៍ ជាមួយអាហារដែល អ្នកទទួលទានជារៀងរាល់ថ្ងៃ និងទម្លាប់រស់នៅជាប្រចាំរបស់អ្នក។​ 

 ដូចអ្នកបានដឹងហើយថា អាហារពិតជាមាន សារៈសំខាន់ណាស់ សម្រាប់សុខភាពរាងកាយរបស់អ្នក។ ប៉ុន្តែរបបអាហារក៏មានឥទ្ធិពលយ៉ាងខ្លាំង ចំពោះសុខភាពស្បែករបស់អ្នកដែរ។ ហើយប្រសិនបើអ្នកមាន របបអាហារត្រឹមត្រូវ វាអាចផ្តល់លទ្ធផល​ ល្អជាងផលិតផលថែរក្សាស្បែក ដែលអ្នកកំពុងប្រើប្រាស់ទៀតផង។

ម៉្យាងវិញទៀត មានអាហារខ្លះពិតជា មានរស់ជាតិឈ្ងុយឆ្ងាញ់ ជាប់ចិត្តជាខ្លាំង ប៉ុន្តែវាបែរជាមានផលប៉ះពាល់យ៉ាងខ្លាំងដល់សុខភាពរបស់អ្នក។ វាអាចធ្វើឲ្យប្រព័ន្ធ ភាពសុាំរបស់អ្នកចុះខ្សោយ បណ្តាលឲ្យកើត ជម្ងឺលើសឈាម ទឹកនោមផ្អែម និងជម្ងឺមហារីជាដើម។

អាហារទាំង៤​មុខ ខាងក្រោមឆ្ងាញ់ ប៉ុន្តែវាក៏ធ្វើឲ្យស្បែករបស់អ្នក ឆាប់ចាស់ដែរ៖

១. ដំឡូងបំពង

យោងទៅតាម អ្នកជំនាញអាហារូបត្ថម្ភ មានមូលហេតុពីរយ៉ាង ដែលធ្វើឱ្យស្បែក ឆាប់ចាស់មុនអាយុ។ ទី១ការការពារស្បែកពីកម្តៅថ្ងែ ដែលមិនមានការការពារ បានត្រឹមត្រូវទៅតាមប្រភេទស្បែក។ ទី២គឺ សារជាតិខ្លាញ់ វារួមបញ្ចូលទាំងអាហារកែច្នៃដូចជា ដំឡូងបំពង។ ដូច្នេះអ្នកគួរតែកំណត់បរិមាណ ដំឡូងបំពងបារាំង នៅក្នុងរបបអាហាររបស់អ្នក។

២. សាច់កែច្នៃ

សាច់ក្រក ឬសាច់កំប៉ុងជាដើម វាមានរសជាតិឆ្ងាញ់ និងទាក់ទាញដល់មនុស្សជាច្រើន ឲ្យចូលចិត្តវា។ ទោះជាយ៉ាងណាក៏ដោយ ប្រសិនបើអ្នកញ៉ាំច្រើនពេក​ វាក៏នឹងបង្កអន្តរាយ ដល់ស្បែកផងដែរ។ អ្នកត្រូវដឹងថា នេះក៏ជាអាហារដែលធ្វើឱ្យស្បែក ឆាប់ចាស់ដែរ ព្រោះពួកវាមានផ្ទុក សារជាតិរក្សាទុក ដែលអាចបណ្តាល ឱ្យរលាកស្បែក។ ហើយពួកវាក៏មាន ផ្ទុកជាតិអំបិលយ៉ាងច្រើន ដែលអាចបង្ករគ្រោះថ្នាក់ ដល់ស្បែករបស់អ្នកដែរ។

៣. ការ៉េម

ការ៉េមគឺជាអាហារមួយ ក្នុងចំណោមអាហារជាច្រើន ដែលមនុស្សជាច្រើនចូលចិត្ត ប៉ុន្តែវាមានការរួមផ្សំរវាងជាតិស្ករនិងសារជាតិធាត់ជាច្រើន។ ដូច្នេះកុំទទួលទានវា ទោះបីអ្នកចូលចិត្តក៏ដោយ ព្រោះវាអាចពន្លឿន ដំណើរការចាស់ហើយអាចនាំឱ្យ សុខភាពពោះវៀនចុះខ្សោយ។

៤. ភេសជ្ជ​ប៉ូវ​កម្លាំង

ការទទួលទាន ភេសជ្ជៈប៉ូវកម្លាំងគឺជា ទំលាប់របស់មនុស្សជាច្រើន ប៉ុន្តែប្រភេទភេសជ្ជៈនេះ ងាយធ្វើអោយ ស្បែកឆាប់ចាស់។ ក្រុមអ្នកជំនាញបាននិយាយថា ភេសជ្ជៈដែលមានជាតិកាហ្វេអ៊ីន អាចរួមចំណែកដល់ភាពចាស់មុនអាយុព្រោះវាដើរតួនាទី ជាអ្នកបញ្ចុះ ទឹកនោមនៅក្នុងខ្លួន។ នៅពេលទទួលទានជាតិកាហ្វេអ៉ីន និងភេសជ្ជៈប៉ូវកម្លាំងច្រើន  វាមិនល្អសម្រាប់សុខភាព និងជួយពន្លឿនដំណើរការ នៃភាពចាស់ចាស់ផងដេរ។

ប្រភព៖ phunutoday