រៀងមួយជីវិត តារាសម្ដែងជនជាតិតៃវ៉ាន់ ប៊ិះពិការភ្នែកម្ខាង

កម្សាន្ដ៖​ លោក Simon Lian គឺជាតារាសម្ដែងប្រុសនិងតារាចម្រៀង ជនជាតិតៃវ៉ាន់មួយរូបដ៏មានទេពកោសល្យខ្ពស់ លោកបានសម្ដែងនៅក្នុងរឿង The Legend of Xiao Chou ជាតួអង្គព្រះអង្គម្ចាស់ដែលពិការភ្នែកម្ខាង។ ប៉ុន្ដែ Simon ក៏ត្រូវរងគ្រោះដោយសារដើរតួអង្គក្នុងរឿងមួយនេះមិនខុសប៉ុន្មានពីតួអង្គដែលលោកសម្ដែងនោះដែរ។ 

កាលពីថ្ងៃទី ២៣ ខែសីហានេះ Simon បានទម្លាយថា ការងាររបស់លោកស្ថិតនៅក្នុងភាពគ្រោះថ្នាក់ដោយសារតែលោកកំពុងមានបញ្ហាភ្នែកម្ខាង។ តារាប្រុសរូបនេះ បានទទួលរងផលប៉ះទង្គិចទៅលើគ្រប់ភ្នែកជាខ្លាំងដែលអាចឈានទៅដល់បាត់បង់ភ្នែកម្ខាងទៀតផង​ បន្ទាប់សម្ដែងរឿង The Legend of Xiao Chou នេះ។ 

លោកបានបន្ដទៀតថា លោកសម្ដែងជាតួអង្គព្រះអង្គម្ចាស់ដែលបាត់បង់ភ្នែកម្ខាង ហើយត្រូវចំណាយពេលជាង ១ម៉ោងកន្លះដើម្បីតុបតែងមុខឲ្យដូចតួអង្គនោះ។ មិនតែប៉ុណ្ណោះលោកត្រូវប្រើកាវពិសេសបិទទៅលើភ្នែក ដែលកាវនោះគេប្រើសម្រាប់លាងផ្លែក្រូចប៉ុណ្ណោះ លោកត្រូវធ្វើបែបនេះជារៀងរាល់ថ្ងៃអស់រយៈពេល២ខែ។ 

ក្រោយពីលោកបានបញ្ចប់ការថតរួចរាល់ Simon បានទៅជួបពេទ្យដើម្បីពិនិត្យមើលភ្នែករបស់ខ្លួនដែលស្រវាំងមើលអីមិនឃើញនោះ ពេទ្យបាននិយាយថា ភ្នែករបស់ Simon ត្រូវមើលថែឲ្យបានដិតដល់ និងត្រូវធ្វើការព្យាបាលនៅពេទ្យជារៀងរាល់ខែ។ បើសិនជាភ្នែករបស់លោកនូវតែស្រវាំង វាអាចឈានដល់បាត់បង់ការមើលឃើញតែម្ដង និយាយរួមគឺពិការជារៀងរហូត។ 

ទោះបីជាយ៉ាងណាក៏ Simon នូវតែបន្ដការងារសម្ដែងរបស់លោកបានដែរ ទោះបីជាលោកត្រូវមើលថែភ្នែកនិងទៅពេទ្យជាប្រចាំរាល់ខែក៏ដោយ។ បច្ចុប្បន្នតារាសម្ដែងរូបនេះ កំពុងតែសម្ដែងនៅក្នុងរឿងភាគនិងការងារសិល្បៈផ្សេងៗទៀតជាបន្ដបន្ទាប់៕

ប្រភព៖ Zingnews