ចំណាត់ថ្នាក់តារានិករដែលងាយ ធ្វើឲ្យខ្លួនឯងសប្បាយបំផុត!

យល់ដឹង៖ ពេលមានសុភមង្គល អ្នកច្បាស់ជាបានកត់សម្គាល់ឃើញមនុស្សមួយចំនួន ដែលតែងតែសប្បាយចិត្ត។ ប៉ុន្តែអ្នកក៏ត្រូវមានបទពិសោធន៍នៅជុំវិញខ្លួន អ្នកដែលមិនសប្បាយចិត្តដែរ។ 

ប្រសិនបើអ្នកយកចិត្តទុកដាក់ លើតារានិកររបស់ពួកគេ វានឹងជួយអ្នកឲ្យយល់កាន់តែច្បាស់ ពីអ្វីដែលធ្វើឲ្យពួកគេមួយចំនួនសប្បាយចិត្តគ្រប់ពេល ខណៈពេលដែលអ្នកផ្សេងទៀត ជាមនុស្សដែលបាក់ទឹកចិត្តគ្រប់ពេលវេលា។ 

ខាងក្រោមនេះនឹងបង្ហាញពី ចំណាត់ថ្នាក់តារានិករដែលងាយ ធ្វើឲ្យខ្លួនឯងសប្បាយបំផុត ៖

១. Aries ♈️ 

មនុស្សនៃតារានិករនេះ មានអាកប្បកិរិយារីករាយចំពោះជីវិតជានិច្ច។ ពួកគេមានទំនោរចង់ធ្វើឲ្យមានរឿងកំប្លែងគ្រប់ពេល ដែលមានន័យថា ការនៅក្បែរពួកគេតែងតែសប្បាយ។ ជាធម្មតា Aries ដោះស្រាយអារម្មណ៍ ដោយដកនូវរឿងអាក្រក់ចេញពីពួកគេបានយ៉ាងងាយ ពីព្រោះការសប្បាយចិត្ត គឺជាអ្វីដែលសំខាន់បំផុតសម្រាប់ពួកគេ។

២. Leo ♌️ 

Leo គឺជាមនុស្សម្នាក់ ដែលតែងតែស្វែងរកភាពវិជ្ជមាន និងស្វែងរកភាពរីករាយគ្រប់ពេលវេលា។ មិនថាស្ថិតក្នុងស្ថានភាពបែបណានោះទេ Leo នឹងតែងតែស្វែងរកផ្លូវចេញ ដើម្បីមើលឃើញភាពវិជ្ជមាននៅក្នុងនោះ។ ទោះបីជា Leo មិនអាចដកទុក្ខសោក ចេញពីជីវិត ដោយងាយដូចវេទមន្តក៏ដោយ ក៏ពួកគេនៅតែជាតារានិករដ៏រីករាយបំផុតមួយ នៃរាសីចក្រ។

៣. Libra ♎️ 

Libran មានធម្មជាតិដែលទន់ភ្លន់ ហើយចង់ឲ្យជីវិតដំនើរការយ៉ាងរលូន គ្រប់ពេលវេលា។ ពួកគេមិនចូលចិត្តមានជម្លោះគ្រប់ពេលនោះទេ ហើយពួកគេតែងតែព្យាយាមអស់ពីសមត្ថភាព ដើម្បីបញ្ចៀសជម្លោះ។ ពួកគេចូលចិត្តស្វែងរកសុភមង្គល ក្នុងដំណើរការនៃការជៀសវាងជម្លោះ។ នោះហើយជាសុភមង្គលសំខាន់ជាងអារម្មណ៍សោកសៅ ផ្សេងទៀតសម្រាប់ Libra ។

៤. Sagittarius ♐️ 

ក្នុងចំណោមតារានិករទាំងអស់ Sagittarius គឺជាតារានិករមួយនៃសុភមង្គល។ វាគ្រាន់តែដោយសារតែពួកគេ មកជាមួយនឹងអារម្មណ៍ធម្មជាតិនៃសេរីភាព និងការផ្សងព្រេង។ នៅពេលដែល Sagittarian មានអារម្មណ៍មិនល្អ ពួកគេទំនោរក្នុងការគេចចេញពីភាពឈឺចាប់ជានិច្ច។ ពួកគេតែងតែសប្បាយចិត្ត ហើយជាធម្មតា មិនប៉ះពាល់អ្វីអាក្រក់ នៅក្នុងជីវិតរៀងរាល់ថ្ងៃនោះទេ។

៥. Pisces ♓️ 

មនុស្សនៃតារានិករនេះ គឺមានភាពខុសប្លែកពីគេ ទោះបីជាពួកគេសប្បាយចិត្តក៏ដោយ។ ពួកគេងាយយំខ្លាំងពេក ហើយវាអាចបញ្ចេញ នូវអារម្មណ៍របស់ពួកគេបានច្រើន។ នេះជួយពួកគេយ៉ាងខ្លាំង ឲ្យឆ្លងផុតភាពសោកសៅរបស់ពួកគេ ហើយឱបក្រសោបសុភមង្គល។ ពួកគេដឹងពីរបៀបមិនសង្កត់លើអារម្មណ៍របស់ពួកគេខ្លាំងពេក។ ការយំគ្រប់បែបយ៉ាង តែងតែជួយពួកគេ ឲ្យមើលទៅហាក់ដូចជាមនុស្សរីករាយ។

៦. Taurus ♉️ 

តារានិករនេះគឺជាគូស្នេហ៍ដ៏អស្ចារ្យ នៃស្នេហាអាហារ និងអ្វីៗទាំងអស់ដ៏ស្រស់ស្អាត។ មនុស្សក្នុងតារានិករនេះចង់បានតែសេចក្តីសុខ និងហ៊ុំព័ទ្ធដោយរឿងល្អៗក្នុងជីវិត ។ ប៉ុន្តែពួកគេអាចរឹងរូសបន្តិច ក្នុងស្ថានភាពខ្លះ។ ហើយដោយសារតែភាពរឹងចចេសរបស់ពួកគេ ពួកគេទំនងជាធ្លាក់ទៅក្រោមការបាក់ទឹកចិត្ត នៅពេលដែលពួកគេមិនបានទទួលអ្វី ដែលពួកគេសមនឹងទទួល ជាថ្នូរនឹងការតបស្នងវិញ។

៧. Gemini ♊️ 

មនុស្សដែលនៅក្នុងតារានិករនេះ តែងតែរវល់ជាប់។ ពួកគេមានភាពចង់ដឹងចង់ឃើញបំផុត ហើយពួកគេមានបុគ្គលិកលក្ខណៈយ៉ាងហោចណាស់ពីរ នៅខាងក្នុង គំនិតរបស់ពួកគេគ្រប់ពេលវេលា។ ពួកគេអាចប្ដូរអារម្មណ៍បានលឿនជាងអាកាសធាតុទៅទៀត ហើយផ្លាស់ប្តូរជានិច្ច រវាងអារម្មណ៍ និងចំណាប់អារម្មណ៍។ នេះធ្វើឲ្យវាពិបាកបន្តិចសម្រាប់ Gemini ក្នុងការមានអារម្មណ៍សប្បាយរីករាយ។

៨. Cancer ♋️ 

គ្រប់គ្រងដោយព្រះច័ន្ទ តារានិករនេះមានភាពរំជើបរំជួល និងឆ្លងកាត់វដ្តជាច្រើន។ មនុស្សនៃតារានិករនេះ គឺជាបុគ្គលដែលមានមនោសញ្ចេតនា ស្មោះត្រង់ និងពូកែខាងចិញ្ចឹមបីបាច់ថែរក្សា។ ពួកគេមានចរិតលក្ខណៈប្រៀបដូចជាម្តាយ ហើយជាធម្មតាពួកគេមានអារម្មណ៍ បាក់ទឹកចិត្តយ៉ាងងាយដោយសារតែធម្មជាតិរបស់ពួកគេ។ Cancer ក៏ងាយប៉ះទង្គិចអារម្មណ៍ផងដែរ ដែលវាកាន់តែបន្ថែមឲ្យមានអារម្មណ៍មិនល្អថែមទៀត។

៩. Virgo ♍️ 

Virgos មានទំនោរស្ថិតនៅលើផ្នែកវិនិច្ឆ័យ និងការវិភាគ។ ពួកគេមើលទៅហាក់ដូចជាគ្មានកំហុស និងផ្អែមល្ហែមពីខាងក្រៅ ប៉ុន្តែពួកគេនឹងមិនខកខាន ចំពោះពត៌មានលម្អិតណាមួយឡើយ។ ពួកគេជាអ្នកស្តាប់ដោយប្រយ័ត្នប្រយែង ដែលធ្វើឲ្យពួកគេផ្តល់ដំបូន្មានដ៏ល្អបំផុត។ វាទំនងជាតិចទេសម្រាប់ Virgo ដើម្បីធ្លាក់ចូលទៅក្នុងជំងឺបាក់ទឹកចិត្ត ប៉ុន្តែប្រសិនបើពួកគេធ្វើខុស ចំពោះមនុស្សជិតស្និទ្ធរបស់ពួកគេ ពួកគេអាចនឹងទទួលរងនូវអារម្មណ៍ ដ៏អាក្រក់ក្នុងពេលឆាប់ៗបំផុត។

១០. Scorpio ♏️ 

គ្រប់គ្រងដោយភពភ្លុយតូ ដែលជាភពនៃការគ្រប់គ្រង និងអំណាច Scorpio មានឥទ្ធិពលខ្លាំង ដែលអ្នកអាចមានអារម្មណ៍ថា មានវត្តមានរបស់ពួកគេយ៉ាងងាយស្រួល។ ពួកគេនឹងសង្កេតមើលពត៌មានលម្អិតតូចបំផុត ហើយអានពីចិត្តមនុស្សម្នាក់ដូចជាសៀវភៅ។ ពួកគេអាចមានអារម្មណ៍សោកសៅជាខ្លាំង ដោយសារពួកគេមានភាពសម្ងាត់ និងស្មោះត្រង់ខ្ពស់ ហើយប្រសិនបើអាថ៌កំបាំងរបស់ពួកគេ រលត់ទៅវិញ។ អារម្មណ៍មិនល្អរបស់ពួកគេ អាចគ្របដណ្ដប់លើសុភមង្គលបាន ប្រសិនបើពួកគេឆ្លងកាត់ការខូចចិត្តច្រើន។

១១. Aquarius ♒️ 

មនុស្សនៃតារានិករនេះ គឺខុសគ្នាខ្លាំងពីអ្នកដទៃ ដោយសារពួកគេមានភាពច្បាស់លាស់ និងពិតប្រាកដ។ ពួកគេត្រូវបានគេស្គាល់ដោយសារ ការខិតខំប្រឹងប្រែងរបស់ពួកគេ ហើយអាចទទួលបាននូវការលះបង់យ៉ាងខ្លាំង ដើម្បីគោលដៅរបស់ពួកគេ។ ពួកគេនឹងមិនមានអារម្មណ៍តានតឹង ក្នុងចិត្តច្រើនដងទេ ប៉ុន្តែពួកគេនឹងផ្តល់ហេតុផល នូវអ្វីដែលអាចធ្វើឲ្យអារម្មណ៍របស់ពួកគេស្រងាកចិត្តបាន។

១២. Capricorn ♑️ 

Capricorns គឺជាមនុស្សដែលមានភាពចាស់ទុំ ដែលមានទំនោរទៅរកប្រពៃណី។ ពួកគេភាគច្រើនលះបង់ខ្លួនឯង ចំពោះការងារលំបាក មិត្តភក្តិ និងក្រុមគ្រួសារ។ ពួកគេជឿជាក់លើការតស៊ូ ហើយនៅពេលដែលពួកគេមានអារម្មណ៍មិនល្អ ពួកគេតែងលាក់វាពីមនុស្សជិតស្និទ្ធ និងមនុស្សជាទីស្រលាញ់។ នេះហើយជាមូលហេតុ ដែលពួកគេអាចកើតទុក្ខបន្តិចបន្តួច ដោយសារតែការរំជួលចិត្តតែម្នាក់ឯង។

ប្រភព: timesofindia