ទិដ្ឋភាពទឹកកក គ្របដណ្ដប់លើផ្ទះពលរដ្ឋអាមេរិកក្បែរសមុទ្រ ខណៈសីតុណ្ហភាពធ្លាក់ចុះខ្លាំង (មានវីដេអូ)

អាមេរិក៖ វីដេអូឃ្លីបមួយ ថតឡើងដោយកាមេរ៉ាដ្រូន បានបង្ហាញឲ្យឃើញពីទិដ្ឋភាពផ្ទះ Brant Roch ក្នុងរដ្ឋ Massachusetts នៃសហរដ្ឋអាមេរិក គ្របដណ្ដប់ដោយទឹកកក បន្ទាប់ពីព្យុះរដូវរងា ដែលធ្វើឲ្យទីក្រុងមួយចំនួនរបស់រដ្ឋនេះ កប់ក្នុងព្រិលកម្រាស់ជាង២ហ្វីត (ប្រមាណ៦០ម៉ែត្រ)។

តួយ៉ាង អ្នកស្រុកបានភ្ញាក់ឡើងនៅសីតុណ្ហភាពទាបប្រមាណ-៨.៨អង្សាសេកាលពីថ្ងៃអាទិត្យកន្លងទៅថ្មីៗនេះ និងមើលឃើញនៃថ្ងៃរះដ៏ស្រស់ស្អាត ហើយពេលវេលាហាក់មានភាពដូចជាស្ងប់ស្ងាត់ក្នុងសហគមន៍ផងដែរ។ បន្ថែមពីនេះ ខ្យល់បក់ខ្លាំង បានឲ្យមានការដាច់ចរន្ដអគ្គិសនីជាច្រើនទូទាំងរដ្ឋ Massachusetts ជាចម្បងនៅតំបន់អាគ្នេយ៍ និងតំបន់ Cape Cod ខណៈក្រុមមន្ត្រីបាននិយាយថា ការដាច់ភ្លើងប្រហែល៥៥,០០០ នៅតែបន្ដកើតមានគិតត្រឹមព្រឹកថ្ងៃអាទិត្យ។ ហើយឧបករណ៍ជាង ៣,០០០ ត្រូវបានដាក់ពង្រាយដើម្បីជួយសម្អាតព្រិល។

យ៉ាងណាមិញ គិតត្រឹមរសៀលថ្ងៃអាទិត្យ ជើងហោះហើរចេញចំនួន២២៤ ត្រូវបានលុបចោលពីព្រលានយន្ដហោះ Boston និង៣៨ផ្សេងទៀត ត្រូវបានព្យារពេលធ្វើដំណើរ។ ហើយព្យុះនេះ ត្រូវបានគេរំពឹងថានឹងប៉ះពាល់ដល់ប្រជាជន៧៥លាននាក់ ពីភាគអាគ្នេហ៍រហូតដល់ឆ្នេរសមុទ្រទៅកាន់ New England ផងដែរ៕

ប្រភព: Daily Mail

សូមទស្សនារូបភាពនិងវីដេអូខាងក្រោម៖