ផ្ទះកញ្ចក់វែងស្រឡូនដ៏ល្បី របស់អង់គ្លេស ខាងក្នុងស្អាតញាក់ ហើយតម្លៃវិញ កាន់តែញាក់ទៀត

អង់គ្លេស៖ ផ្ទះកញ្ចក់មួយខ្នង ដែលមានរូបរាងយ៉ាងប្លែក ខុសពីផ្ទះដទៃ និងមានមូលដ្ឋានស្ថិតក្នុងទីក្រុងឡុងដ៍ នៃប្រទេសអង់គ្លេស បានប្រកាសដាក់លក់លើទីផ្សារ តម្លៃដល់ទៅ២លានផោន (ប្រមាណ២,៦១៦,៦៥០ដុល្លារអាមេរិក) កាលពីថ្មីៗនេះ។

ជាក់ស្ដែង ផ្ទះមួយខ្នងនេះ មានកម្ពស់៦ជាន់ បន្ទប់គេង និងបន្ទប់ទឹកចំនួន៣ដូចគ្នា ខណៈមានទទឹងប្រមាណ៣.៣ម៉ែត្រ និងទំហំ២,១១១ម៉ែត្រការ៉េ។ ហើយវាមានឈ្មោះថា Wide House និងត្រូវបានរចនាឡើងក្នុងឆ្នាំ២០០៤ ដោយលោក Jo Hagen ដែលបានឈ្នះពានរង្វាន់ RIBA future house award ដោយសារស្ថាបត្យកម្មដ៏គួរឱ្យចាប់អារម្មណ៍របស់វាផងដែរ។

តួយ៉ាង ចំពោះជាន់ទី៤នៃផ្ទះ មានកន្លែងទទួលភ្ញៀវយ៉ាងធំទូលាយ ជាមួយទិដ្ឋភាពរបស់ទីក្រុងគួរឲ្យចង់គយគន់។ ចំណែកជាន់ទី៥វិញ មានកន្លែងសិក្សា ដែលមានទូសៀវភៅជាច្រើន តាមបែបបណ្ណាល័យ។

យ៉ាងណាមិញ អ្វីដែលកាន់ពិសេស​ គឺវាជាផ្ទះដ៏ឆ្លាតវៃ ដោយមានការគ្រប់គ្រងឥតខ្សែសម្រាប់ អំពូលភ្លើង ទូរទស្សន៍ និងតន្ត្រីជាដើម។ ហើយនៅលើដំបូលផ្ទះ ក៏បានទីធ្លាសម្រាប់សម្រាកលំហែកាយទៀតផង៕

ប្រភព: Daily Mail

សូមទស្សនារូបភាពខាងក្រោម៖