ទៅលេងកំពតរាល់ដង​ តិចអត់ស្គាល់កន្លែងនេះ! ទេសភាពធម្មជាតិ​ ត្រជាក់អារម្មណ៍

កម្សាន្ត៖ បច្ចុប្បន្ន ខេត្តកំពត នៅតែជាខេត្តមួយពោពេញទៅដោយកន្លែងទេសចរណ៍ធម្មជាតិ ដែលអាចទាក់ទាញចិត្តភ្ញៀវទេសចរមកពីទីជិតឆ្ងាយ ពីមួយថ្ងៃទៅមួយថ្ងៃច្រើនមិនចេះដាច់ មិនថាទាំងតំបន់ទេសចរណ៍បែបព្រៃភ្នំ ឬតំបន់មាត់សមុទ្រជាដើម។

ជាពិសេស បើងាកមកចាប់អារម្មណ៍កន្លែងលំហែថ្មីមួយទៀត ដូចដែលយើងបានលើកយកមកបង្ហាញខាងក្រោមនេះ សព្វថ្ងៃក៏កំពុងមានការពេញនិយមខ្លាំងផងដែរ។ ទីនេះមានឈ្មោះថា «Green Valley Veal Pouch - ជ្រលងបៃតងវាលពួច»។

ជាមួយគ្នានេះ ទីនេះជាទីសម្រាកលំហែកាយមួយ ដែលមានសភាពស្ងប់ស្ងាត់ល្អ មានទឹកជ្រោះ មានស្ពានយោល ពិសេសក៏មានកន្លែងញ៉ាំកាហ្វេ និងអាហារ ព្រមទាំងផ្ទះស្នាក់ នៅជាប់មាត់អូរ ដែលអមទៅដោយទេសភាពព្រៃឈើពណ៌បៃតងខ្ចី និងជ្រលងដងភ្នំ មើលទៅពិតជាគួរឲ្យចង់ទៅលេងខ្លាំងតែម្ដង៕

ទស្សនារូបភាពខាងក្រោម៖

រូបភាពពី៖ អាណាចក្រត្រាវែល Anachak Travel