កាដូពិសេស! BLACKPINK នឹងចេញ MV ថ្មីមួយ អាទិត្យនេះ

កូរ៉េខាងត្បូង ៖ ថ្មីៗនេះក្រុមចម្រៀង BLACKPINK និង PUBG Mobile បានប្រកាសជាផ្លូវការនូវគម្រោងរបស់ពួកគេក្នុងការចេញវីដេអូចម្រៀងសម្រាប់បទចម្រៀងថ្មីរបស់ក្រុមដែលមានចំណងថា "Ready For Love" ហើយក៏ជាកាដូពិសេសសម្រាប់អ្នកគាំទ្រទូទាំងពិភពលោក មុនការ Come Back ផ្លូវការរបស់ពួកគេក្នុងពេលឆាប់ៗនេះ។

​គួរបញ្ជាក់ផងដែរថា វីដេអូ​ចម្រៀង​សម្រាប់​បទ​សហការ​របស់​ពួក​គេ​ជាមួយ PlayerUnknown's Battlegrounds (PUBG) Mobile ដែលមានចំណងជើងថា “Ready For Love” នឹងចេញជាផ្លូវការនៅ​នៅថ្ងៃទី ២៩ ខែកក្កដា វេលាម៉ោង ១រសៀល (ម៉ោងនៅកូរ៉េខាងត្បូង)។

ទន្ទឹមនឹងនេះ BLACKPINK ក៏កំពុងត្រៀមខ្លួនក្នុងការវិលត្រឡប់ជាក្រុមដំបូងរបស់ពួកគេ ក្នុងខែសីហានេះ បន្ទប់ពីបាត់មុខអស់រយៈពេលជិតពីរឆ្នាំ ខណៈខាងផលិតកម្ម YG បានចេញសេចក្តីប្រកាសទាក់ទងនឹងការ Come Back របស់ថា ពួកគេពេលនេះកំពុងមមាញឹកខ្លាំងដើម្បីត្រៀមខ្លួនសម្រាប់ការត្រឡប់មកវិញ ក៏មានការថត MV ត្រៀមសម្រាប់បទថ្មីនៅខែសីហា និងគម្រោងធ្វើ World Tour នៅចុងឆ្នាំផងដែរ៕

ប្រភព ៖ Soompi