ស្ងាត់ៗ Fabrizio Romano ថាជម្រើសជាតិបារាំងម្នាក់នេះបានធ្វើតេស្តសុខភាពនៅ Chelsea រួចរាល់អស់ហើយ

ពួកយើងបានឮពីរឿងរបស់ Christopher Nkunku នៅក្នុងរយៈពេល២៤ ទៅ៤៨ម៉ោងមកនេះ។ វាជារឿងធម្មតាទេ គេជាកីឡាករកំពូល ហើយក្លិបកំពូលៗខ្លះក៏ទាក់ទងនឹងគេដែរ។ តើមានរឿងអ្វីកើតឡើងឲ្យប្រាកដទៅ? ពីអ្វីដែលគេប្រាប់ខ្ញុំគឺNkunku ពិតជាបានធ្វើតេស្តសុខភាពជាមួយ Chelsea មែន ហើយវាមិនមែនជាការធ្វើតេស្តសុខភាពផ្ទាល់ខ្លួនទេ។បុគ្គលិករបស់ Chelsea នៅទីនោះហើយវាសម្រាប់ក្លិបបាល់ទាត់ Chelsea ។នេះមិនមែនមានន័យថាការព្រមព្រៀងបានធ្វើឡើងទេ។ការធ្វើតេស្តសុខភាពនេះកើតឡើងពីរបីសប្តាហ៍មុន ហើយ Chelsea ក៏បានដាក់សំណើទៅកីឡាករនេះដែរ ដែលគេសប្បាយចិត្តនឹងវាណាស់។ ប៉ុន្តែបើនិយាយពី RB Leipzig វិញគឺត្រូវធ្វើការព្រមព្រៀងគ្នាជាក្រោយទៀត។ ខ្ញុំដឹងថា Chelsea នឹងព្យាយាមពិភាក្សាតម្លៃផ្ទេរជាមួយ Leipzig។