កម្សាន្ត៖ ពេលខ្លះ ការទាយទម្លាប់ និង ការបំភាន់តាមរយៈរូបភាព អាចប្រាប់បាននូវការពិតនៅក្នុងជីវិតរបស់អ្នក។ ដូច្នេះតើវាដំណើរការយ៉ាងដូចម្តេច?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ យើងម្នាក់ៗមើលឃើញអ្វីៗក្នុងលោកនេះសុទ្ធតែដូចគ្នា និងគិតឃើញតាមបែបខុសៗគ្នា ដែលអាស្រ័យលើរឿងដែលអ្នកដឹង ឬមនុស្សដែលអ្នកជួប។ ហើយក៏ដោយសារតែយើងម្នាក់ៗមានចរិតប្លែកពីគេនោះហើយ ដូច្នេះយើងចេះតែមើលនិងវិភាគរឿងផ្សេងៗតាមតែខ្លួនឯង។
យ៉ាងណាមិញ ការបំភាន់ក្នុងរូបខាងក្រោមនេះ បើអ្នកបានឃើញរូបអ្វីមុនគេ អ្នកគួរតែអានពីទម្លាប់ខ្លះដែលអ្នកត្រូវកែប្រែ ដើម្បីជីវិតស្នេហារបស់អ្នក៕
១.ប្រសិនបើរឿងដំបូងដែលអ្នកឃើញគឺ រូបរាងពិណ
អ្នកខ្លាំងហើយចិត្តល្អដូចទេវតា។ អ្វីដែលអ្នកត្រូវការគឺស្នេហាសន្តិភាព ស្នេហាស្មោះស្ម័គ្រ និងយូរអង្វែង។ ប៉ុន្តែដោយសារតែចិត្តសប្បុរស និងឆន្ទៈរបស់អ្នក ខកចិត្តជាមួយអ្វីៗគ្រប់យ៉ាងច្រើនដង ទើបអ្នកមានទំនោរក្លាយជាមនុស្សដែលបានបោះបង់ចោលគ្រប់យ៉ាង។ នេះបញ្ជាក់ថាមិនមែនអ្នករាល់គ្នាមានចិត្តល្អដូចអ្នកទេ។ ហើយមិនមែនអ្វីៗទាំងអស់ នឹងមានការបញ្ចប់ដ៏រីករាយនោះដែរ។ ហើយដោយសារតែអ្នកជាមនុស្សបែបនេះ ដូច្នេះអ្វីដែលអ្នកត្រូវធ្វើសម្រាប់ជីវិតស្នេហានាពេលអនាគត គឺដំបូងអ្នកត្រូវរៀន ស្រលាញ់ខ្លួនឯង ហើយបន្ទាប់មកបង្កើតទំនាក់ទំនងកាន់តែខ្លាំងឡើងនាពេលអនាគត។
២.ប្រសិនបើរឿងដំបូងដែលអ្នកឃើញគឺ រូបផ្កា
អ្នកគឺជាអ្នកយល់ចិត្តដ៏ល្អម្នាក់ ហើយអ្នកក៏ជាដៃគូដ៏ល្អម្នាក់ផងដែរ។ ជាច្រើនដង អ្នកក្លាយជាអ្នកស្តាប់តែម្នាក់គត់ពីទុក្ខលំបាករបស់មនុស្សជាទីស្រលាញ់របស់អ្នក។ អាចនិយាយបានថា អ្នកជាអ្នកព្យាបាលចិត្តរបស់គូស្នេហ៍។ តាមរយៈការធ្វើជាអ្នកស្តាប់ដ៏ល្អ អ្នកអាចធ្វើឲ្យទំនាក់ទំនងពីមុនរបស់អ្នកក្លាយជាទំនាក់ទំនងដ៏ល្អមួយ ទោះបីជាវាមិនស្ថិតស្ថេរជារៀងរហូតក៏ដោយ។ ទោះជាយ៉ាងណាក៏ដោយ តើអ្នកតែងតែមានអារម្មណ៍ថា មាននរណាម្នាក់ជាអ្នកស្តាប់ល្អជាងអ្នកទេ? តើអ្នកណានឹងនៅទីនោះដើម្បីស្តាប់អ្នកវិញម្ដង? ពេលខ្លះអ្នកក្លាយជាមនុស្សរឹងរូស ហើយមិនស្តាប់អ្នកដទៃ។ ហើយនោះជាអ្វីដែលអ្នកត្រូវកែប្រែសម្រាប់ទំនាក់ទំនងនាពេលអនាគតរបស់អ្នក។
៣.ប្រសិនបើរឿងដំបូងដែលអ្នកឃើញគឺ មុខមនុស្សស្រី
អ្នកគឺជាអ្នកប្រយុទ្ធ អ្នកបានជម្នះឧបសគ្គ និងការលំបាកជាច្រើន ដើម្បីក្លាយជាមនុស្សម្នាក់ក្នុងពេលនេះ មនុស្សម្នាក់ដែលស្រស់ស្អាតនិងរឹងមាំបំផុត។ សម្រាប់អ្នក ពិភពលោកនេះគឺជាសមរភូមិ ហើយស្នេហាគឺជាកន្លែងសុវត្ថិភាពរបស់អ្នក។ ប៉ុន្តែអ្វីដែលសំខាន់បំផុតនៅក្នុងទំនាក់ទំនងរបស់អ្នកគឺ ការគោរពគ្នាទៅវិញទៅមក។ ប្រសិនបើអ្នកមានអារម្មណ៍ថា អ្នកមិនត្រូវបានគោរពដោយគូស្នេហ៍របស់អ្នកទេ អ្នកនឹងមិនស្ទាក់ស្ទើរក្នុងការចាកចេញឡើយ។ ហើយនោះជាអ្វីដែលអ្នកត្រូវព្យាយាមកែប្រែឡើងវិញ។ អ្នកគួរតែព្យាយាមអត់ធ្មត់ និយាយគ្នាដើម្បីយល់ពីគ្នាច្បាស់សិន មុននឹងសម្រេចចិត្តចែកផ្លូវគ្នា។
ប្រភព៖ sanook
Bong I.T