បរទេស៖ វីរបុរសលោក Ricardo Kaka បានចុចឈ្មោះក្រុមជម្រើសជាតិ ប្រេស៊ីល, អាហ្សង់ទីន និង បារាំង ថាជាក្រុមដែលមានលទ្ធភាពខ្ពស់បំផុតក្នុងការគ្រងជើងឯកពានរង្វាន់ FIFA World Cup Qatar ២០២២ នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ការប្រកួតពានរង្វាន់បាល់ទាត់ពិភពលោក គឺខិតជិតនឹងចូលមកដល់ហើយ ពោលគឺនៅសល់ត្រឹមតែ ៩ ថ្ងៃទៀតប៉ុណ្ណោះ ដែលការប្រកួតនឹងចាប់ផ្តើមឡើងពីថ្ងៃទី ២០ ខែ វិច្ឆិកា ដល់ថ្ងៃទី ១៨ ខែ ធ្នូ ឆ្នាំ ២០២២, ហើយគិតមកដល់ពេលនេះក៏មានក្រុមជម្រើសជាតិជាច្រើនបានប្រកាសបញ្ជីឈ្មោះកីឡាកររួចរាល់ហើយដែរ ដើម្បីត្រៀមចូលរួមព្រឹត្តិការណ៍ដ៏ធំមួយនេះ។
ទាក់ទងនឹងរឿងខាងលើ, លោក Kaka អតីតខ្សែបម្រើប្រយុទ្ធរបស់ ប្រេស៊ីល និង Real Madrid បានថ្លែងប្រាប់ Gazzetta dello Sport យ៉ាងដូច្នេះថា៖
ប្រេស៊ីលគឺជាក្រុមដែលខ្ញុំពេញចិត្ត ព្រោះថាពួកគេបានប្រឹងប្រែងអស់រយៈពេលយ៉ាងយូរ។ វាជាពេលដ៏ត្រឹមត្រូវក្នុងការឈ្នះពានរង្វាន់ ហើយក្រុមនេះមានទាំងកីឡាករវ័យក្មេង និងកីឡាករដែលមានបទពិសោធន៍ស្រាប់។ ចំណកក្រុមគូប្រជែងផ្សេងទៀតរួមមាន អាហ្សង់ទីន និង បារាំង, ខណៈ ស៊ែប៊ី ក៏នឹងមានរឿងដ៏គួរឱ្យភ្ញាក់ផ្អើលផងដែរ៕
ប្រភព៖ Sportskeeda
Bong I.T