ស្តែងៗ យន្តហោះ ហោះបុ.កគ្នា កំពុងធ្វើសមយុទ្ធលើអាកាស

បរទេស៖ យន្តហោះ​ពីរ​គ្រឿង​ ក្នុងសម័យ​សង្គ្រាម​លោក​លើក​ទី​ពីរ​ បាន​បុក​គ្នា​នៅ​កណ្តាល​អាកាស​នៅ​ក្នុង​កម្មវិធី​តាំង​ពិព័រណ៍​ផ្លូវ​អាកាស ​ក្នុង​ក្រុង​ដាឡាស​កាល​ពី​ថ្ងៃ​សៅរ៍ ដោយ​បង្វែរ​ព្រឹត្តិការណ៍​រំលឹក​ខួប​ ​ទៅ​ជា​ទិដ្ឋភាព​ដ៏​រន្ធត់វិញ។

ក្រុមប្រឹក្សាសុវត្ថិភាពដឹកជញ្ជូនជាតិបាននិយាយកាលពីថ្ងៃអាទិត្យថា មនុស្សយ៉ាងហោចណាស់ ៦ នាក់បានស្លា.ប់នៅក្នុងគ្រោះថ្នាក់ធ្លា.ក់យន្តហោះ។

តាមប្រភពដដែលបានឲ្យដឹងថា យន្តហោះ​ប្រភេទ Boeing B-17 Flying Fortress និង Bell P-63 Kingcobra បានហោះបុ.កគ្នា ធ្លាក់​នៅ​ម៉ោង​ប្រហែល ១:២០ រសៀល។ នេះ​បើ​តាម​ម៉ោង​ក្នុងស្រុក រដ្ឋបាល​អាកាសចរណ៍​សហព័ន្ធ​បាន​និយាយ។

ឧបទ្ទវហេតុនេះបានកើតឡើងនៅក្នុងកម្មវិធី Wings Over Dallas air show នៅអាកាសយានដ្ឋាន Dallas Executive Airport ដែលមានចំងាយប្រហែល ១០ ម៉ាយពីភាគខាងត្បូងនៃទីក្រុង Dallas ។

វីដេអូដែលបានបង្ហោះតាមអ៉ីនធឺណែតហាក់ដូចជាបង្ហាញពីយន្តហោះដែលមានល្បឿនលឿន យ៉ាងរហ័សរហួនបានបុកយន្តហោះធំមួយ ខណៈដែលអ្នកទស្សនារន្ធត់ចិត្ត៕

សូមទស្សនាវីដេអូខាងក្រោម៖

ប្រភព៖ វីដេអូ